ایټالیا کې د ښوونځي بس ټکر کې ۱۶ کسان وژل شوي

د انځور حقوق VIGILI DEL FUOCO
Image caption څرګنده نه ده چې ولې بس له سړه وتلی دی

د ایټالیا چارواکو ویلي، په شمالي ویرونیا کې د ښوونځي زده کوونکو یو لېږدوونکی بس ټکر شوی او اور یې اخیستی، چې لږترلږه ۱۶ کسان پکې وژل شوي دي.

د ایټالیا د بېړنیو پېښو پروړاندې د مبارزې ادارې ویلي، بس کې کوچني زده کوونکي له هنګري نه لېږدول کېدل چې د جمعې په ورځ له سړکه ووت او له یوه څلي سره ټکر شو.

د ایټالیا د اوروژنې ملي ادارې پر ټویټر لیکلي، په پېښه کې ۳۹ نور کسان ټپیان شوي.

د ایټالیا پر هوټل واورې ښویېدو کې ګڼ کسان تري تم شوي

ایټالیا کې زوروره زلزله شوې

بس له بوداپست نه فرانسې ته روان و او ماشومان پکې سپاره وو.

د ایټالیا انسا خبري اژانس ویلي، د کوچنیو زده کوونکو شمېر، چې ډېری یې هلکان وو، د ۱۴ او ۱۸ ترمنځ و.

سرچینه وايي، کله چې بس له یوه څلي سره ټکر شو، ګڼ ماشومان له موټره وغورځېدل.

نور ماشومان د بس د ننه سره وپاشل شول او بس اور واخیست.

لس ماشومان په روغتون کې دي چې سخت سوځېدلي دي.

د اوروژنې چارواکو ویلي، نه شي ویلای چې د مړو شمېر به څومره شي.

د هنګري رسنیو ویلي، په میلان کې د دغه هېواد کونسل ویرونا ته رسېدلی دی.

د برلین کرېسمس بازار مشکوک بریدګر ایټالیا کې ووژل شو

اړونده مطالب

ورته مطالب