د امریکا دفاع وزیر: ایران 'نړۍ کې د ترهګرۍ لوی تمویلوونکی دی'

د انځور حقوق AFP
Image caption د ایران د بهرنیو چارو وزیر ویلي، ایران د هېچا پروړاندې د جګړې لپاره خپله وسله نه کاروي

د امریکا د دفاع وزیر جیمز مټیس ویلي، ایران 'په ګرده نړۍ کې د ترهګرۍ لوی تمویلوونکی دی'. نوموړي دا څرګندونې د ایران او امریکا د اړیکو د ترینګلتیا ډېرېدو پرمهال کړې دي.

د مټیس دا څرګندونې یوه ورځ وروسته تر هغه په ډاګه شوې، چې امریکا پر ایران د بالیستيک توغندیو د ازموینې له کبله بندیزونه ولګول.

مټیس ویلي، له ایران سره د همکارۍ په پار په منځني ختيځ کې د امریکا د پوځي حضور پیاوړي کولو اړتیا نه شته.

ټرمپ: ایران له اور سره لوبې کوي

ایران وايي نوی توغندی یې ازمویلی

د ویلو ده چې ایران پوځي مانورې پیل کړې دي، د دغه هېواد انقلابي ګارد ویلي، هدف یې د ایران د ځواک او د بندیزونو د ردولو لپاره غبرګون ښودل دي.

ایران په کور د ننه جوړ شوي توغندي وازمویل.

یوه جګپوړي قومندان ویلي، که ایران د خطر احساس وکړي، نو خپل دښمن ته د توغندیو په ویشتلو ځواب ورکولای شي.

امیر علي حاجي زاده زیاتوي: "موږ شپه او ورځ د ایران د ولس د خوندیتوب لپاره کار کوو."

"له اور سره لوبې"

امریکايي چارواکو ویلي، پر ایران د بندیزونو لګولو موخه په اصل کې د هغو ۱۳ کسانو او ۱۲ شرکتونو په نخښه کول دي، چې د تېرې یکشنبې په ورځ یې د بالیستیک توغنديو ازموینه وکړه.

دا د امریکا د نوي ولسمشر ډونلډ ټرمپ د واکمنۍ پرمهال د ایران پرضد د امریکا لومړي بندیزونه دي، خو ګواښ یې کړی چې د ایران اسلامي جمهوریت پروړاندې به لا نور جدي ګامونه واخلي.

د ایران په اړه د ټرمپ او اسرائیلو لومړي وزیر ټیلېفوني خبرې

امریکا د 'توغندويي ازموینې' له امله پر ایران نوي بندیزونه لګوي

د انځور حقوق @REALDONALDTRUMP

مټیس جاپان کې خبریالانو ته ویلي "په لبنان، سوریه، بحرین او یمن کې د ایران د ناسمو کړنو شاهدان یو او موږ باید له دغه ډول کړو وړو سره په حد کې ودرېږو"

ایران دا ردوي چې ګني د توغندیو په ازمویلو سره یې د ملګرو ملتونو له امنیت شورا او نړیوال تړون سرغړاوی کړی دی.

د ایران د بهرنیو چارو وزیر محمد جواد ظریف ویلي، ایران د امریکا د بندیزونو پروا نه لري "د هېچا پرضد موږ د جګړې لپاره وسله نه راوباسو، خو باید د خپل ځان د دفاع پخاطر پر خپل توان باوري شو."

د انځور حقوق @JZARIF

ورته مطالب