د روسي سفیر د وژلو د صحنې عکاس ته د "ورلډ پرېس" جایزه

د انځور حقوق Getty Images

د اسوشېټېډ پرېس خبري اژانس یوه ترکي عکاس برهان اوزبیلیجي ته انقره کې د روسیې د سفیر د وژل کېدو د صحنې د عکس اخیستو له کبله د "ورلډ پرېس" جایزه ورکړل شوه.

ترکیه کې د روسیې سفیر اندري کارلوف د تېر کال ډسمبر میاشت کې انقره کې د عکسونو یوه نندارتون ته د وینا پرمهال د یوه ترکي پولیس په ډزو ووژل شو.

عکاس برهان اوزبیلیجي له دې کبله وستایل شو، چې له پېښې وړاندې او وروسته یې په زړورتیا انځورونه واخیستل.

برهان ته د هغه انځور له کبله د "ورلډ پرېس" جایزه ورکړل شوه، چې یو وسله وال کس پکې تورو جامو کې له وسلې سره د روسي سفیر د مړي پرسر ولاړ دی، تومانچه یې پورته نیولې او چیغې وهي.

ترکيه کې د روسيې سفير د ډزو له امله ووژل شو

'د روسي سفیر وژنه د ناوړه پېښو لړۍ وروستۍ کړۍ ده'

هغه د فرانسې خبري اژانس ته وویل: "په هغه شېبه کې چې ډزې مې اورېدلې، پوهېدم چې دا تاریخي شېبې دي. پوی وم چې د یوه خبریال په توګه باید ونه وتښتم او ځان وژغورم".

دا فوق العاده عکس ۱۸ میلیون ځلې لیدل شوی دی.

د "ورلډ پرېس فوټو" بنست منځګړو له ۸۴ زرو او ۴۰۰ عکسونو څخه، چې د ۱۲۵ هېوادونو د ۵ زرو او ۳۴ عکاسانو له خوا اخیستل شوي، دا انځور د ۲۰۱۷ کال تر ټولو غوره عکس اعلان کړی دی.

روسیه د سفیر وژلو په تړاو ترکیې ته څېړونکي استوي

د وژل شوي روسي سفیر مړی روسیې ته ولېږدول شو

د انځور حقوق BURHAN OZBILICI/AP
Image caption هغه فوق العاده عکس چې نوموړي ددې شېبې اخیستی و، ۱۸ میلیون ځلې لیدل شوی دی.

اړونده مطالب

ورته مطالب