حسن روحاني د ايران ولسمشر شو

حسن روحاني د دوهم ځل لپاره د ایران ولسمشر شو. ښاغلي روحاني د رایو ۵۷ فیصده وګټلې او خپل محافظه کار سیال ابراهیم ریسي یې مات کړ.

حسن روحاني په لومړي ځل د ایران په ولسمشر کېدو له نړۍ سره اړیکې پراخې او پرانیستې.

په ځانګړې توګه په ۲۰۱۵ کال کې یې د خپل هېواد د اټومي پروګرام پر سر له نړیوالو سره یو تړون وکړ خو ډېری ایرانیان وايي له هغه تړون وروسته یې لا هم د اقتصاد له پلوه ژوند نه دی بدل شوی.