د ګرځنده سینما نندارچیان
د هند کلیوالو سیمو کې له اوو لسیزو راهیسې د ګرځنده سینما دود شته. دغه سینماګانې د لویو لاریو له لارې له یوې سیمې بلې ته لېږدول کېږي.
د انځور حقوق
Amit Madheshiya
د دغو سینماګانو فلمونه د لاس په وسیله ګرځېدونکي پروجیګټر له لارې ښوول کېږي. په لویو مذهبي او دودیزو میلو کې دغه ډول فلمونه نندارې ته وړاندې کېږي. ویل کېږي چې اوس د نوې تکنالوژۍ له راتګ او ودې سره د د دغو سینماګانو د لیدونکو شمېر هم په لږېدو دی. مشهور هندي عکاس امیت شرما ۲۰۰۸ کال کې د ګرځنده سینما د مینه والو تصویرونو ټولول پیل کړل. دلته د هغه تصویرونه او د پروژې حال وینو.
د انځور حقوق
Amit Madheshiya
امیت شرما وايي، ۲۰۰۸ کال کې د سینما صنعت مخ پر ځوړ و او یو په بل پسې سینماګانې ورانېدې، چې ځای یې مارکیټونو او یا د ډېرو پردو لرونکو ملټي پلیکس پيل شول. نوموړی وايي، هغه مهال مې له ملګري شریلي ابراهم سره یو ځای دګرځنډه سینما حال د تصویر په ژبه د وړاندې کولو هوډ وکړ.
د انځور حقوق
Amit Madheshiya
موږ ته پر لویې پردې د فلم لیدو خوند هغه مهال معلوم شو، چې تر ونې لاندې مو له کلیوالو ماشومانو سره یو ځای فلم ولید، چې یوه سپین ږیري سړي یې په لاس پروجیکټر چلاوه.
د انځور حقوق
Amit Madheshiya
زرګونه خلک د فلم لیدو ته ناست وو او موږ داسې محسوسول لکه د تېر وخت په سفر وتلي یو.
د انځور حقوق
Amit Madheshiya
ژر وپوهېدو دا لوی نکل دی، چې تر اوسه ناویلی پاتې دی. دغو سینماګانو د مهاراشټر ایالت هغو سیمو ته هم فلمونه رسول، چې یا په کې سینما نه وه او یا ډېره لرې.
د انځور حقوق
Amit Madheshiya
دا هم راته معلومه شوه، چې دغه کیسه یا لړۍ له اوو لسیزو راهیسې روانه ده.
د انځور حقوق
Amit Madheshiya
دغه ډول سینما څښتنان چې په لویو لارو کې سترې کېږدۍ، په لویو قوطیو کې بند فلمي رولونه او داسې نور اړین توکي لېږدوی داسې مهال د خپل کاروبار په ژغورلو بوخت دي، چې خلک اوس په خپل شخصي ګرځنده ټیلیفون یا ډي وي ډي کې فلمونه کتل خوښوي. د سینما دغه دور نژدې دی، چې د تاریخ یوه برخه شي.
د انځور حقوق
Amit Madheshiya
دغې موضوع اغېز راباندې وکړ، چې (د سینما ټرېولرز) په نوم مې مستند کړ او کانز فلم مېله کې یې ځانګړې جایزه تر لاسه کړه.
د انځور حقوق
Amit Madheshiya
د هغو کلونو تجربې رازده کړل، چې سینما د بشري احساساتو ښایسته انځور دی او دا موږ له ټولو پولو ورهاخوا له یوه بل سره نژدې کوي. باوري یم چې د فلمونو په ننداره د بوختو دغو نندارچیانو تصویرونه به د نړۍ لر او بر کې د مینه والو د خوښۍ وړ شي او دغه ډول احساس یوازې د سینما محصول دی.
د امیت مدهیشا دغه تصویرونه د Galleryske په مرسته د ډیلي په PHOTOINK ګالرۍ کې نندارې ته ایښي دي.