د ښځې مېړه له شخړې وروسته الوتکې بېړنۍ ناسته کړې

الوتکه کې ۲۸۴ نور کسان هم وو د انځور حقوق Getty Images
Image caption الوتکه کې ۲۸۴ نور کسان هم وو

د ښځې، مېړه له زورورې جګړې وروسته د یوې الوتکې پیلوټان اړ شوي، چې د قطر له دوحې نه د اندونیزیا بالي ته پر لاره الوتکه هند کې په بېړنۍ توګه کښېنوي.

پېښه د یکشنبې پر ورځ هغه مهال وشوه، چې له خپلې کورنۍ سره بالي ته پر لارې ایرانۍ ښځې د خپل میړه ګرځنده موبایل کې د 'بې وفایۍ ' ځینې ثبوتونه ولیدل.

ښځې سملاسي د ویده میړه مخ ته څپېړې ونیوې او د الوتکې خدمه کارکوونکي و نه توانېدل دغه ښځه له میړه سره له شخړې وګرځوي.

الوتکه کې ۲۸۴ نور کسان هم وو، چې دغه مېرمن له خپل میړه او زوی سره په کې د رخصتیو تېرولو لپاره بالي ته تله.

کله چې ښځې د خدمې کارکوونکي وشړل او له غوسې بې کابو شوه، پیلوټانو کیو - ار ـ ۹۶۲ شمېره الوتنه د هند چینيي ښار هوايي ډګر کې په بېړنۍ توګه کښېنوله.

د انځور حقوق AFP
Image caption دغې ښځې د ویده میړه د ګوتو له نښو سره د هغه موبایل پرانیستی

دغه ښځه، مېړه او زوی یې په هند کې له الوتکې کوز کړل شول او له دوه ساعته ځنډ وروسته الوتکه بېرته د خپل منزل پر لور والوته.

هندي چارواکو ویلي، دغو کسانو د هند ویزا نه درلوده، ځکه په توقیف کې ساتل شوي او له ایران سفارت سره له خبرو وروسته د دوشنبې پر شپه د کوالالمپور الوتنه کې ولېږل شول، چې له هغه ځایه به بېرته قطر ته واستول شي.

'جهادي' ټوکو الوتکه دوه ساعته وځنډوله

الوتکه کې لړم یو سړی چیچلی

د نجلۍ زیږېدو کې د الوتکې د خدمې همکاري

په مساپر وړونکې الوتکه کې مار

د هوايي ډګر چارواکي ویلي:

''دغه کورنۍ د شخړې له کبله له الوتکې کوز کړل شول، خو د دوی خلاف کومه دوسیه نه ده ثبت شوې او وروسته د باټک هوايي شرکت ۶۰۱۹ شمېره الوتنه کې بېرته دوحې ته د لېږلو لپاره کوالالمپور ته استول شوي دي. ''

قطر ایرویز هوايي شرکت وروسته په یوه اعلامیه کې وویل: د مساپرو راز ساتنې لپاره موږ پر دغسې ځانګړو پېښو هېڅ ډول څرګندونه نه کوو.

اړونده مطالب