'ایران سوریه کې پوځي اډه جوړوي'

سوریه د انځور حقوق .

یوې لوېدیځې خبري سرچینې بي بي سي ته ویلي، ایران په سوریه کې د دایمي پوځي اډې جوړولو په درشل کې دی.

ویل کېږي، د ایران پوځ د پلازمېنې دمشق ۱۴ کیلومترۍ القسوه سیمه کې د دایمي پوځي اډې جوړولو هوډ لري، چې وړاندې له دې ځایه د سوریې پوځ ګټه اخیسته.

د سپوږمکۍ له انځورونو ښکاري چې د دمشق سوېل کې د ایران فعالیتونه روان دي.

دا رپوټونه هم مهاله په سوریه او منځني ختیځ کې د ایران د نفوذ پر سر د بحثونو ډېرېدو پرمهال خپاره شوي دي.

د اسرائیلو لومړي وزیر بنیامین نتنیاهو خبرداری ورکړی چې ایران په سوریه کې د خپل پوځي حضور د ډېرېدو په درشل کې دی چې په وینا یې اسرائیل به د ایران ددغه کار مخه نیسي.

له سپوږمکۍ په اخیستل شویو انځورونو کې ښکاري چې ایران هلته د ۱۲ ودانیو پر جوړولو بوخت دی چې غالباً خپل پوځي تجهیزات او پوځيان پکې ځای پرځای کوي.

په وروستیو میاشتو کې په دې سیمه کې نورې ودانۍ هم جوړې شوې دي.

د انځور حقوق AFP
Image caption ایران د لبنان حزب الله ډلې ملاتړ کوي

"ځینې افغانان د بې وزلۍ له کبله سوریه کې د ایران په پلوۍ جنګېږي"

'د امریکا ګوښې کولو لپاره د ایران او روسیې ملګرتیا پکار ده'

د ایران سپاه پاسدران سوریه کې پر 'ترهګرو' توغندیز برید کړی

یوه لوېدیځوال چارواکي بي بي سي ته ویلي، په سوریه کې د ایران اوږدمهال حضور ډېر منطقي نه ښکاري.

پر ایران دا تور هم دی چې په منځني ختیځ کې د شیعه هال په نوم بنسټ له لارې غواړي هلته خپل نفوذ ډېر کړي او د لبنان حزب الله ډلې ملاتړ زیات کړي.

په داسې حال کې چې اسلامي دولت (داعش) نومې ډلې په جګړه کې ماتې خوړلې او اډې یې له لاسه وتلې دي، اوس ایران سوریه کې د خپل نفوذ ډېرېدو او شیعه ګانو د برلاسي کېدو هڅې کوي.

ایران تل د بشارالاسد د حکومت ملاتړ کړی. خپاره شوي انځورونه ښيي چې په تېرو څو ورځو کې د ایران قدس پوځیانو مشر قاسم سلیماني په دیرالزور کې له یوې بلې ملېشې سره لیدل شوی.

د انځور حقوق .
د انځور حقوق .

په سوریه کې د پاسداران ګڼ غړي او قومندانان جنګېدلي او ځینې یې وژل شوي هم دي.

نیابتي جګړه

بل خوا، د امریکا بهرنيو چارو وزیر رېکس ټېلرسن په لبنان کې له هغو ناندريو وروسته چې د لومړي وزیر سعد حريري د استعفا لامل شوې نورو هېوادونو ته خبرداری ورکړی چې لبنان دې د نیابتي جګړو لپاره نه کاروي.

ایران او د هغوی لبناني ملاتړي شيعه حزب الله ډله ادعا کوي چې ښاغلی حريري د سعوديانو له خوا نيول شوی او استعفا ته اړ شوی. ښاغلي ټېلرسن ويلي هغه ته ډاډ ورکړل شوی چې ښاغلی حریري به نه بندي کېږي.

د انځور حقوق AFP
Image caption ښاغلي ټیلرسن ویلي، امریکا د لبنان د ټیکاو ملاتړ او د هر ډول ګواښ مخالفت کوي

ورته مطالب