یمن ته د خوراکي توکو لومړنۍ بېړۍ رسېدلې ده

. د انځور حقوق AFP
Image caption ملګري ملتونه وايي، په یمن کې میلونونه کسان له لوږې سره لاس او ګرېوان دي

وروسته له هغه چې د سعودي عربستان په مشرۍ ایتلاف پر یمن د لګېدلي درې اونیز بندري بندیز د کمولو خبره کړې، د لومړي ځل لپاره د ملګرو ملتونو اړوند د خوراکي توکو یوه بېړۍ یمن ته رسېدلې ده.

د سعودي ایتلاف له خوا د یمن بندري بندیزونو میلیونونه یمنیان چې واردمخه لوږې ځپلي وو، له لا کړاو سره مخامخ کړل.

د شنبې په ورځ د یمن په پلازمېنه صنعا کې هغې الوتکې ته هم د ناستې اجازه ور کړل شوې چې درمل او طبي توکي پکې بار وو، خو دا د خوراکي توکو لومړنۍ مرسته ده چې د بېړۍ له لارې یمن ته ورسېدې.

* م.م: د سعودي پر ژمنې سربېره یمن ته مرستې نه شي رسولی

* م م: یمن د نړۍ له خورا سختې لوږې سره مخ دی

* "ایران په یمن کي د سولې هڅو د ناکامۍ مسوول دی"

پر یمن بندري بندیز د روانې نومبر په ۶مه له سعودي عربستان پیل شو.

عرب ایتلاف پر یمن وروسته له هغه بندیزونه کلک کړل چې حوثي یاغیانو د سعودي پلازمېنې ریاض پر لور توغندی وتوغاوه خو د راکټ ضد سیستم پر مټ په هوا کې شنډ شو.

د سعودي عربستان په مشرۍ ایتلاف د یمن د مرکزي دولت په ګټه له حوثي یاغیانو سره چې دمګړۍ د پلازمېنې کنټرول ور سره دی، په جګړه دی او پر دغه هېواد یې ټولې هوايي، سمندري او ځمکنۍ لارې یې تړلي دي.

د ملګرو ملتونو د نړیوال خوراکي پروګرام چارواکی سټيفن انډرسن وايي، یمن ته رسېدلي خوراکي توکي د یوې میاشتې لپاره د یو میلیون او ۸۰۰ زره کسانو لپاره بسنه کوي چې د دغه هېواد په شمال کې به په اړمنو ووېشل شي.

د انځور حقوق EPA
Image caption یمن کې میلیونونه کسان لوږې ځپلي دي

نوموړي زیاته کړې، یمن ته رسېدلې بېړۍ دغه هېواد ته د ننوتلو اجازې تر لاسه کولو لپاره په بندر کې دوه اونۍ په تمه شوې ده.

اړونده مطالب

ورته مطالب