سوریه کې د امریکا په مشرۍ د ایتلاف برید ۲۳ ولسي وګړي وژلي

سوریه د انځور حقوق AFP/GETTY IMAGES
Image caption ارشیف - دیر الزور کې یوه سورۍ ښځه

په سوریه کې د امریکا د هوایي ایتلاف د بریدونو په پایله کې ۲۳ ملکي کسان وژل شوي.

د سوریې دولتي خبري اژانس او د دولت مخالف فعالان وایي دا هوایي بریدونه د سوریې په ختیځ کې پرون (چارشنبه، ډسمبر ۱۳مه) ترسره شوي دي.

د سوري دولت اړوند سانا اژانس دا بربد "عام وژنه" بللې، چې اته ماشومان او شپږ ښځې هم په وژل شویو کې شامل دي.

روسیې په سوریه کې پر ملکي خلکو بمبار رد کړ

'ایران سوریه کې پوځي اډه جوړوي'

سوریه کې د ایران د پوځي حضور پرضد د اسراییلو خبرداری

د امریکا په مشرۍ د ايتلاف دا هوايي برید د سوریې ختیځ دیر الزور په "جرذي" سیمه کې شوی چې د فرات سیند په شاوخوا کې پرته ده. دغه سیمه د "اسلامي ډلې" یا (داعش) نومې ډلې په واک کې ده.

د امریکا ځواکونه په دغه سیمه کې له داعش سره په جګړه کې ښکېل دي. دا په سوریه کې د داعش تر کنټرول لاندې وروستۍ سیمه ګڼل کېږي.

د امریکا د پوځ یوه ویاند ویلي د ملکي کسانو مرګ ژوبله به وڅېړل شي، چې په وینا یې ایتلافي ځواکونه یوازې "د سمو او باوري پوځي موخو لپاره بریدونه کوي".

اړونده مطالب

ورته مطالب