ویلادیمیر پوتین به څلورم ځل ولسمشر شي؟

ر د انځور حقوق Reuters
Image caption پوتین دا ځل ځان ازاد نوماند کړی دی.

ویلادیمير پوتين د خپلو سلگونو ملاتړو په يوه جرگه کې د راتلونکي کال ټاکنو لپاره په رسمي توگه ځان نوماند کړ.

اوس ديته اړتيا ده، چې د روسيې د ټاکنو کميسيون د هغه نوماندي تاييد کړي.

کميسيون پرون د اپوزیسيون د مشر الکسي ناوالني نوماندي په دې رد کړه چې وايي جرمي محکوميت هغه له سيالۍ بې برخې کړی دی.

پوتین: د ټرمپ مخالفان'له روسیې سره د اړیکو خیالي کیسو' سره امریکا ته زیان اړوي

پوتین د امریکا، سعودي او اسراییل له مشرانو سره پر سوریه وغږېد

ټرمپ: پوتین په ټاکنو کې د لاسوهنې تور ځان ته سپکاوی بولي

ښاغلی ناوالني وايي محکوميت يې سياسي انگيزه لري او له خپلو ملاتړو يې وغوښتل چې له ټاکنو سره شلون وکړي.

د مسکو په يوه راډيو کې د وينا پرمهال د ولسمشر پوتين وياند ديمیتري پسکوف وويل د اپوزسيون له لوري له ټاکنو سره د شلون غوښتنه ښايي ناقانونه وي.

ولسمشر پوتین غواړي د څلورم ځل لپاره د روسيې ولسمشر شي.

د بي بي سي د خبریالې شننه

د انځور حقوق AFP
Image caption د الکسي ډډې ته کېدل د پوتین بری نور هم اسانوي.

په دې هکله په مسکو کې د بي بي سي خبریاله سارا رنزفورد په خپل رپوټ کې وايي: ''ویلادیمیر پوتین ډېر باوري دی چې ټاکنې به ګټي او ان له هغو خلکو سره یې هم ونه لیدل چې د ده د نوماندۍ په مناسبت ټول شوي وو ''.

کرملین وايي ولسمشر پوتین بوخت و او په تلویزوني تصویرونو کې هم وښول شول چې نوموړی د ماشومانو په هغه غونډه کې ګډون لري چې د نوی کال په مناسبت جوړه شوې وه.

همدغه ډول خپرونو له ولسمشر پوتین سره مرسته کړې چې اتلس کاله په واک کې له پاتې کېدو وروسته هم د خلکو ترمنځ محبوبیت ولري.

د ولسمشر پوتین همدا چارې او بهرنۍ تګلاره په نوره نړۍ کې د روسیې د واک او نفوذ په توګه یادېږي او اوس چې مخالف سیاستوال الکسي ناولني هم په ټاکنو کې له ګډون منع کړای شوی ویلادیمیر پوتین د ولسمشرۍ په ټاکنو کې له کومې جدي سیالۍ سره مخامخ نه دی.

ښاغلي ناولني د ټاکنو د رواتوب یا مشروعیت د اغیزمنولو لپاره د ټاکنو له ټول بهیر سره د پریکون غوښتنه کړې خو ولسمشر پوتین د دې غوښتنې له امله چندان اندېښمن نه دی او د هغه د ځواک او ثبات پیغام کافي دی چې نوموړی یو ځل بیا د شپږو کلونو لپاره واکمن کړي.

د انځور حقوق EPA