امنیت شورا په سوریه کې د اوربند پرېکړه لیک تصویب کړ

د انځور حقوق Reuters
Image caption په سوریه کې د اوربند د دغه پرېکړه لیک مسوده کوېټ او سوېډن وړاندیز کړې ده.

د ملګرو ملتونو امنیت شورا تر درېوو ورځنیو خبرو اترو وروسته د رایو په ډېروالي هغه پرېکړه لیک تصویب کړ چې پتېیل شوې له مخې به یې په ټوله سوریه کې د ۳۰ ورځو لپاره اوربند رامنځ ته شي.

د روسیې په ګډون چې د بشار الاسد کلکه ملاتړې ده، د امنیت شورا ۱۵ واړو غړو هېوادونو یادې مسودې ته مثبته رایه ور کړې ده.

په سوریه کې د اوربند د دغه پرېکړه لیک مسوده کوېټ او سوېډن وړاندیز کړې ده.

د ملګرو ملتونو امنیت شورا اوربند پرېکړه لیک پر داسې مهال تصویبېږي چې د راپورونو له مخې په ختیځه غوطه سیمه کې د سوريې حکومت په هوايي ګوزارونو کې څه باندې ۵۰۰ کسان وژل شوي چې په ډله کې یې ۱۲۷ ماشومان هم شته.

ټېلرسن: امریکایي ځواکونه د ایران نفوذ مخنیوي لپاره سوریه کې پاتېږي

روسیې په سوریه کې پر ملکي خلکو بمبار رد کړ

که څه هم د امنیت شورا د پرېکړه لیک په تصویب سره د سوریې جنګ ځپلو سیمو ته د مرستو رسولو لپاره هیله مندۍ را ټوکولي، خو رویټرز خبري اژانس خبر ورکړی چې د پرېکړه لیک تر تصویب لږه موده وروسته پر ختیځه غوطه بیا بمبار شوی دی.

په لندن کې مېشت د سوریې د بشر حقونو څارونکی بنسټ وايي، پر ختیځه غوطه د شنبې ورځ (فبرورۍ ۲۴مې) د هوايي ګوزارونو له امله ۴۱ کسان وژل شوي چې ۸ یې ماشومان دي.

د امنیت شورا په پرېکړه لیک کې له ښکېلو خواوو ته د اوربند پیلولو ټکالی مهال نه دی ور په ګوته شوې، خو ترې غوښتل شوي چې دغه پرېکړه لیک دې ژر تر ژره پلی کړی.

د انځور حقوق Reuters
Image caption د راپورونو له مخې پر ختیځه غوطه هوايي ګوزارونو کې ۱۲۷ ماشومان وژل شوي دي

په دغه پرېکړه لیک کې هغه کسان او ډلې مستثنی ګڼل شوي چې لا له وړاندې د ملګرو ملتونو له خوا د ترهګرو په نوملړ کې دي. لکه القاعده او جبهه النصره.

د ختیځې غوطې ولکه له څو سختدریځو اسلامپالو ډلو سره ده.

په ملګرو ملتونو کې د امریکا سفیرې نیکي هیلي د شنبې په ورځ د امنیت شورا د پرېکړه لیک د ژر پلي کېدو غوښتنه وکړه او زیاته یې کړه، باوري نه ده چې د سوریې حکومت دې پرېکړه لیک ته ژمن پاتې شي.

اغلې هیلي روسیه د پرېکړه لیک د تصویب پر ځنډولو تورنه کړه.

د فرانسې سفيرې فرانسوا دلاتره هم وویل، چې د ملګرو ملتونو امنیت شورا د پرېکړه لیک تصویب ډېر وځنډول شو.

په ورته وخت کې په ملګرو ملتونو کې د روسیې سفیرې واسیلي نبنزیا د پرېکړه لیک په تصویب کې د روسیې خنډ اچول رد کړل او ویې ویل، د داسې یوه پرېکړه لیک چمتو کولو ته چې په سوریې کې د پلې کېدو وړ، ډېر وخت او ځيرکتیا ته اړتیا وه.

په دې وسیله کې د غږ اوريدل او ویډیو لیدنه شونې نه ده.
امريکا وايي د سوریې ختيځ کې یې له هغه څه سره په تړاو سل تنه حکومت پلوه ځواکونه وژلي چې دوی د دغه هېواد شمال دير الزور کې د امريکا په ملاتړ مخالفانو ناپارېدلی بريد بللی دی.

ورته مطالب