پر یوه کميس لیکل شوی بشپړ قرآن کریم

د انځور حقوق NATIONAL MUSEUM, INDIA

د هند پلازمېنې نوي ډیلي ملي موزیم کې لومړی ځل د قرآن کریم تاریخي نسخې د نندارې ته ایښوول شوې دي.

قرآن د انځور حقوق NATIONAL MUSEUM, INDIA

د فبرورۍ له ۲۷ بیا د مارچ تر ۳۱ پورې د دغو نسخو زیارت کېدای شي.

قرآن د انځور حقوق Mirza Baig

د قرآن کریم دغه ټولې نسخې د ملي موزیم ملکیت دي او لومړی ځل اجازه ورکول کېږي چې ولس یې وګوري.

قرآن د انځور حقوق MIRZA AB BAIG

دغه نندارتون کې د اسلام خلیفه حضرت علي په لاس لیکل شوی قرآن کریم هم شته، چې په کوفي خط پر یوه پوټکي لیکل شوی دی.

قرآن د انځور حقوق NATIONAL MUSEUM, INDIA

په نندارتون کې په کوفي، نسخ، ریحان او بهاري خطونو لیکل شوې د قرآن کریم نسخې ایښي دي. د ملي موزیم مشر ډاکټر بي ار مني وايي، د نندارتون تر شا د مسول خطیب الرحمان هڅې دي.

قرآن د انځور حقوق NATIONAL MUSEUM, INDIA

خطیب الرحمان وايي، نندارتون کې د قرآن مجید داسې نسخې هم شته، چې د سرو زرو په اوبو لیکل شوي دي او ځینې ځایونو کې لاجورد ټومبل شوي دي. نوموړی وايي، یوه نسخه کې د الله نوم تر پایه په سرو زرو لیکل شوی دی.

قرآن د انځور حقوق NATIONAL MUSEUM, INDIA

نندارتون کې یو کمیس لیدل کېږي، چې بشپړ قرآن کریم پرې لیکل شوی دی. خطیب الرحمان ادعا کوي، چې دا نړۍ کې لومړنی کمیس دی، چې په ډېر دقت سره پرې په نسخ لیکدود قرآن مجید لیکل شوی او د الله تعالی ۹۹ نومونه په ریحان خط لیکل شوي دي.

قرآن د انځور حقوق MIRZA AB BAIG

د قرآن کریم له ځینو نسخو سره د هند د پاچاهانو اورنګزیب او شاه جهان مهرونه هم نندارې ته ایښي دي.

قرآن د انځور حقوق MIRZA AB BAIG

خطیب الرحمان وايي، بهاري لیکدود عربي ژبې ته د هند ډالۍ ده، چې دا په خپل ځای لویه لاسته راوړنه ده.

قرآن د انځور حقوق MIRZA BAIG

مرزا ذکي احمد چې نندارتون ته راغلی و وايي، د ملي موزیم دغه هڅه د ستاینې ده او نوموړي له چارواکو وغوښتل چې د هېواد نورو برخو کې هم دغه ډول نندارتونونه جوړ کړي.

مہر د انځور حقوق MIRZA BAIG
Image caption د مغل پاچا اورنګزیب عالمګیر مهر

د ملي موزیم پخوانی مسول ډاکټر نسیم اختر وايي، دې موزیم کې د فارسي ژبې خورا مهم تاریخي اثار هم شته، چې پکې د حافظ شیرازي او سعدي لومړني اثار هم شامل دي.

اړونده مطالب