ډان: پاکستان دې د غني ښېګڼه په ښېګڼې ځواب کړي

.

د عکس سرچینه، Getty Images

پاکستانۍ ورځپاڼۍ ایکسپریس ټربیون د ځینو سرچینو په حواله لیکلي چې د افغان حکومت او طالبانو ترمنځ د سولې د مخامخ خبرو د بیا پيل امکانات زیات شوي دي. ورځپاڼې ددغو سرچینو په حواله چې باخبره بلل شوي ویل شوي چې د دواړو لوریو ترمنځ وروستي پیغامونه بنسټیز پرمختګ دی.

ورځپاڼه وړاندې زیاتوي سرچینو ورته ویلي چې په وروستیو میاشتو کې افغان حکومت هڅه کړې چې د مذهبي مشرانو په مرسته په پټه هڅه کړې چې طالبان د سولې خبرو ته وهڅوي.

ورځپاڼې په دې برخه کې داسلامي حزب د مشر ګلبدین حکمتیار له هڅو هم پرده پورته کړې او زیاتوي حکمتیار هم هڅه کړې چې طالبان د سولې خبرو ته وهڅوي.

ایکسپریس ټربیون د یادو سرچینو په حواله لیکي د کابل بهیر په غونډه کې طالبانو او پاکستان ته دافغان ولسمشر محمد اشرف غني بلنه دا ښيي چې افغان لوری د سولې په بهیر کې د پاکستان پر رول خبر دی او کولی شي چې د تېر په څېر په دې برخه کې مهم رول ولوبوي.

دغو سرچینو ایکسپریس ټربیون ته ویلي چې پلان داسې دی چې د خبرو له رسمي پيل له اعلان وړاندې به یو لړ مهم مسایل هوار شي او په دې برخه کې د دیني عالمانو او منځګړو رول ډیر مهم دی.

منځګړي به د اوربند وړاندیز وکړي چې امریکا او د سیمې نور هېوادونه به یې ملاتړ وکړي.

همدې ورځپاڼې د پاکستان د بهرنیو چارو د وزیر خواجه آصف هغه څرګندونې را اخستې چې وايي هېواد یې چمتو دی چې د افغان حکومت او طالبانو ترمنځ د سولې د آسانچاري رول ولوبوي.

ده ویلي له سیاسي پلوه طالبان اوس د افغانستان یو واقعیت دی.

هندۍ ورځپاڼې (The Hindu)

د عکس سرچینه، >

هندۍ ورځپاڼې (The Hindu) خپله سرمقاله طالبانو ته د افغان حکومت د سولې وړاندیز ته ځانګړې کړې او زیاتوي چې دا ځل شرایط او وړاندیز بدل ښکاري چې له مخې یې دواړه لوري له کنګل حالته د راوتلو چانس لري.

ډان

پاکستانۍ ورځپاڼې ډان هم خپله سرمقاله دې موضوع ته ځانګړې کړې او افغان ولسمشر محمد اشرف غني د وړاندیز ستاینه یې کړې.

ورځپاڼه دغه وړاندیز زړور بللی، ډان له پاکستانه غوښتنه کړې چې د ښاغلي غني ښیګڼه په ښیګڼې ځواب کړي.

د نیویارک ټایمز

د عکس سرچینه، Getty Images

د نیویارک ټایمز ورځپاڼې په یوه مطلب کې د ترهګرو دملاتړو هېوادونو په لست کې د پاکستان د شاملو په اړه یوه مطلب کې لیکي:

چې په دغه لسټ کې د پاکستان د نه شاملولو له ملاتړ د پاکستان ملاتړو هېوادونو چین او سعودي عربستان په ناڅاپي توګه لاس واخست او په جون میاشت کې به پاکستان په دې لست کې شامل کړل شي.

په دې مطلب کې وړاندې ویل شوي چې بیا به پاکستان یو کال وخت ولري چې وښيي د سخت دریځو ډلو پرضد عملا لاس په کار شوی، د هغوی د مالي ملاتړ مخه یې نیولې ، مشران یې محاکمه شوي، او که داسې ونه کړي نو پاکستاني بانکونه به لکه د ایران او شمالي کوریا بانکونه له بندیز سره مخامخ شي ، نړیوال مارکیټ ته به د پاکستان لاس رسی سخت شي.

د لیکوال په باور په دې برخه کې د ترهګرۍ دمالي ملاتړ د مخنیوي د نړیوالې ادارې د تېرې اونۍ پریکړه یوه درنه څپېړه ده چې هدف یې هغه وسله والې ډلې دي چې د پاکستان پوځ یې پالي او په افغانستان کې د امریکا د ګټو او په کشمیر کې د هند د ګټو پرخلاف جګړه کوي.