د فتح الله ګولن ترکي ښوونځيو انګېزه څه ده؟
په دې وسیله کې د غږ اوريدل او ویډیو لیدنه شونې نه ده.

د فتح الله ګولن ترکي ښوونځيو انګېزه څه ده؟

په ترکیه کې د ۲۰۱۶ کال له ناکامې کودتا وروسته د انقرې حکومت په نړیواله کچه د هغه ترک ښوونځیو د کنټرول ترلاسه کولو هڅې پیل کړې دي چې د ترکيې د حکومتي له چوکاټه د باندې کار کوي.

دا ښوونځي د ترکیې د سیاسي او مذهبي مشر فتح الله ګولن غورځنګ سره تړلي بلل کېږي.

د ښاغلي ګولن غورځنګ چې د پلویانو لخوا یې په ترکي ژبه “حذمت” یا خدمت په نوم یاديږي اسیا، افریقا، امریکا او اروپا کې اړونده ښوونځي لري.

د دې ښوونځي منتقدین په دې اند دي چې دا ښوونځي له ښوونې اخوا پټه اجنډا لري، خو پلویان یي دا د نړۍ په بېلابېلو هېوادو کې د معیاري ښوونې روزنې مرکزونه بولي.

د اوونۍ ځانګړې مرکې کې په ترکیه کې د افغانستان پخواني دېپلومات ډاکټر عبدالسلام عاصم چې د ترک ښوونځیو په اړه یې څېړنه کړې د دې ښوونځیو د پیل په انګیزې، جوړښت، تعلیمی نصاب، سیاسي اغېز او نورو اړخونو غږیږي.

د بحث کوربه عنايت الحق ياسيني دی.

اړونده مطالب