د کشمیر نښتو کې نږدې ۲۰ کسان ووژل او له ۷۰ ډېر ټپیان شول

د انځور حقوق Getty Images
Image caption له نښنو وروسته مظاهرو کې دوه کسان وژل شوي او څو ټپیان دي.

د کشمیر د پولیسو په مشرۍ د دې سیمې سوېل کې د نښتو له امله د دریو پوځیانو په ګډون شل کسان ووژل شول.

چارواکي وايي، په دې نښتو کې له ۷۰ ډېر کسان ټپي شوي دي.

کشمیري چارواکي وايي، دا په وروستیو کې په دې سیمه کې په یوه ورځ د ډېرو خلکو د مرګ ژوبلې پېښه ده.

یو امنیتي چارواکي شیش پال وید وايي، د پټو معلوماتو له ترلاسولو وروسته یې د یکشنبې په شپه عملیات پیل کړل.

* هند: د کشمیر مسله د یوې اوږدې مودې جګړه ده

* مودي: پاکستان ته تلونکې خپلې څاڅکی څاڅکی اوبه هم بندوو

د هغه په خبره، په دریو سیمو کې د وسلوالو له کلابندولوسره نښته پیل شوه.

سرینګر کې د بي بي سي خبریال ریاض مسرور وايي، ډېری وژل شوي وسلوال د شوپیان ولسوالۍ دي.

پولیس وايي، د شوپیان په یوه کلي کې اوس هم نښته روانه ده او وېره شته چې مرګ ژوبله نوره هم ډېره شي.

د دوی په خبره، په دغه سیمه کې یې یو وسلوال ژوندی نیولی دی.

د نورو مظاهرو غوښتنه

د انځور حقوق Getty Images
Image caption نښته کې څو کورونو ته هم اور لګېدلی دی.

د نښتې پر مهال ځايي خلکو مظاهره وکړه، خو امنیتي ځواکونو یې د تیت پرکولو لپاره ډزې وکړې او چرې یې وکارولې.

په دغه پېښه کې د یو کس په وژل کېدو سره په نورو سیمو کې هم لاریون پیل شو او د بېلتونپالو ګډ یووالي د دوشنبې په ورځ د مظاهرې غوښتنه کړې ده.

* د کشمیر ډول وهونکي چې روژتیان پېشلمي ته راویښوي

* د عکسونو البوم: کشمیر کې د ګرځبندیز پرمهال ښوونځي

حکومت د مظاهرو د مخنیوي لپاره د کورني اورګاډي پټلۍ تړلې او انټرنېټ یې هم ځنډولی دی.

د دوشنبې په ورځ ښوونیزې ادارې هم رخصت شوې دي.

د سرینګر په ډېرو سیمو کې د دې وژنو خلاف لاریون شوی دی.

د سیلګرۍ د پراختیا هڅې

ر د انځور حقوق Reuters

وروستیو نښتو سره کشمیر کې تاوتریخوالی زیات شوی دی.

په ورته مهال حکومت سږ کال د سیلګرۍ د پراختیا لپاره د یکشنبې په ورځ د ټول هند سیلګرۍ پروګرام جوړ کړی و.

په دغه پروګرام کې د هند د مختلفو ایالتونو د سیلګرۍ برخې مسوولانو ګډون درلود.

په دغه مهال د کشمیر سر وزیرې محبوبه مفتي د امن ټینګولو لپاره ولس همکارۍ وغوښتنه.

د بېلتونپالو مشران خوشي کول

د انځور حقوق Getty Images
Image caption د دریو امنیتي ځواکونو د وژل کېدو خبره هم شوې ده.

په ورته مهال د پولیسو مشر د کشمیر د بېتلونپالو له دریو مشرانو سید علي ګیلاني، میر واعظ عمر فاروق او یاسین ملک د کلونو کلونو بندیزونو لرې کول اعلان کړل.

هغه دا هم وویل چې دا مشران هرځای ته د تللو ازادي لري، خو له خلکو سره د اړیکو له لارې باید د امن او قانون خنډ نه شي.

له څو کلونو وروسته دغو دریو مشرانو تېره جمعه مختلفو سیمو کې د جمعې لمانځه کې ویناوې هم وکړې.

د حکومت له دغه چلن خلکو هیله درلوده چې له دریو کلونو راهیسې د وسلوالو پرضد د پوځ عملیات- اپرېشن ال اوټ- وځنډېږي او په دوبي کې به حالات سم وي.

خو له تازه پېښې او د خلکو له نظرونو داسې ښکاري چې دریم کال به هم کشمیر کې وضعیت ټینک نه وي.

ورته مطالب