جاپاني خپل زوی ۲۰ کاله قفس کې ساتلی

. د انځور حقوق Rex Features

د جاپان په سندا ښار کې پولیسو یو ۷۳ کلن سړی په دې تور نیولی چې خپل زوی یې څه باندې شل کاله پخپل کور کې د لرګیو په قفس کې ساتلی و.

دغه سړی یوستانه یاماساکي نومېږي او د دولتي رسنۍ اناچک د راپور پر بنسټ، ځکه یې خپل زوی بندي کړی و چې رواني ناروغي یې لرله او ورانی به یې کاوه.

د یوستانه یاماساکي زوی دمګړۍ ۴۲ کلن دی.

ښاغلي یاماساکي خپل زوی په داسې یوه قفس کې ساتلی و چې یو متر دنګوالی او دوه متره اوږدوالی لري.

د نوموړي زوی اوس د ملا کوپېدو ستونزه لري چې ځايي رسنۍ وايي، اوس تر درملنې لاندې دی.

یوه ځايي چارواکي چې کله د ښاغلي یاماساکي کور ته تللی و، نو د هغه د زوی د زنداني کېدو په پېښه یې اړوند چارواکي خبر کړي و.

* پر یوټیوب شهرت لپاره خپل عاشق وژونکې نجلۍ زنداني شوه

* افغان زنداني ماشومان، راتلونکی امنیتي ګواښ

له تېرو دوو ورځو ښاغلي یاماساکي د خپل زوی د زنداني کولو په تور له پولیسو سره بندي دی.

د چارواکو په خبره، ښاغلي یاماساکي خپل زوی له ۱۶ کلنۍ په قفس کې اچولی و.

ښاغلي یاماسکي د خپل زوی د زنداني کولو تور منلی او ویلي یې دي هغه ته یې پر خوراک او څښاک سربېره هره یوه ورځ وروسته د ځان وینځلو اجازه هم ور کوله.

اړونده مطالب

ورته مطالب