"ویل کېږي، طالبانو په بغلان کې هندي انجینران تښتولي"

. د انځور حقوق Getty Images

انډیا ایکسپریس ورځپاڼې لیکلي، داسې ویل کېږي چې په بغلان کې د اوو تښتول شویو هندي انجینرانو په تښتونه کې وسله وال طالبان لاس لري.

ورځپاڼې د هند د بهرنیو چارو وزارت د ویاند له خولې لیکلي، د افغانستان د بهرنیو چارو چارسمبالي وزیر د هند د بهرنیو چارو وزیرې ته د هغو هڅو په اړه معلومات ور کړي دي چې د تښتول شویو هندیانو د ژغورلو لپاره دوام لري.

ورځپاڼې لیکلي، دا په تېرو څلورو کلونو کې درېیم ځل دی چې په افغانستان کې هندي وګړي د وسله والو له خوا تښتول کېږي.

* د افغانستان شمال کې اوه هندي انجنیران تښتول شوي

تهران ټایمز ورځپاڼه

تهران ټایمز ادعا کړې ده چې امریکا اوس عملا د یمن په جګړه کې ښکېله شوې ده. ورځپاڼه وايي، امریکايي ځانګړي ځواکونه د یمن او سعودي پر ګډه پوله ځای پر ځای شوي دي.

د ورځپاڼه په خبره په دې سره اوس د یمن د جګړې نوی پړاو پیل شوی دی.

د سعودي عربستان په مشرۍ د عرب ټلواله وايي، ایران په یمن کې له حوثي وسله والې ډلې ملاتړ کوي او دغه ډله اوس د یمن پر پلازمېنه سربېره یو شمېر نورې سیمې په واک کې لري او د سعودي پر خاوره یې څو ځله د بالستیک توغنديو ګوزارونه کړي دي.

ایکسپریس ټرېبیون ورځپاڼه

د انځور حقوق AFP/Getty Images

ایکسپرېس ټرېبیون ورځپاڼې لیکلي، د "ضرب عضب" او "رد الفساد" د عملیاتو په پایله کې په پاکستان کې د امنیت په ښه کېدو سره اوس د دغه هېواد پوځ په دې باور دی چې له هند سره د خبرو وخت را رسېدلی دی.

او دا ګام به په هېواد او سیمه کې د اقتصادي وضعې په غوړېدو کې مهم رول ولوبوي.

د ورځپاڼې اشاره د افغانستان او هند ترمنځ سوداګریزې راکړې ور کړې ته وه.

دغه مطلب د یوه برتانوي فکري بنسټ د څېړنې برخه ده، چې د هند او پاکستان د اړیکو په اړه یې خپور کړی دی.

ورته مطالب