سعودي سوداګر، خبریالې ته د ۲۵ میلیون ډالرو مهر وړاندیز کړی

لوشي د انځور حقوق zarkachat.com
Image caption لوشي المبارک ډېره ژر پر خواله رسنیو د ښکلې سودانۍ لقب خپل کړ.

د سعودي عربستان یوه سوداګر د سوډان یوې خبریالې او ماډلې الاء المبارک، چې په "لوشي" شهرت لري، د ۲۵ میلیون ډالرو مهر ورکولو وړاندیز کړی، خو هغه وايي، سوډانۍ ده او له سوډاني سره به واده وکړي.

که څه هم د دغه سوداګر نوم نه دی یاد شوی، خو پر خواله رسنیو سوډانۍ ماډلې ته د هغه پر وړاندیز پراخ بحثونه وشول، چې بلاخره لوشي پر ټوېټر خپل غبرګون وښود.

د لوشي په ټویټ کې راغلي، چې هغه پر خپل افریقايي تابعیت ویاړي او له سوډاني پرته به له بل چا سره واده ونه کړي.

لوشي وړاندې د دغه سوداګر ځواب ته په یوه ټویټ کې لیکلي وو چې "سمه ده واده درسره کوم"، خو وروسته پښېمانه شوه.

د "نیلین" په نوم وېبپاڼې د یاد سوداګر له خولې ویلي، د لوشي د ۲۵ میلیون ډالرو مهر سربېره یې هغې ته د سعودي ریاض کې د یوه لوکس کور ورکولو ژمنه هم کړې وه.

لوشي المبارک ډېره ژر پر خواله رسنیو د ښکلې سوډانۍ لقب خپل کړ.

نوموړې د سوډان د ښکلا د یوې مشهورې سوډانۍ سوسن الخفجي لور ده.

لوشي پر خواله رسنیو د خپلو خاصو انځورونو او د ورځنیو چارو په اړه د معلوماتو په خپرولو ډېره مشهوره شوه.

لوشي پر خپل ټویټر لیکلي: "دا ویاړ مې بس دی چې د افریقا لور یم. سعودي عربستان او وګړي مې د سر سترګي دي،خو په ټول ویاړ سوډانۍ یم او له سوډاني سره به واده کوم."

اړونده مطالب