عرفان خان له دوو مياشتو وروسته پر ټوېټر څرګند شوی

عرفان خان د انځور حقوق NBCUNIVERSAL

د باليووډ مشهور فلمي ستوری عرفان خان له نژدې دوو مياشتو وروسته د چارشنبې په ورځ پر ټوېټر بيا را څرګند شوی.

په مارچ مياشت کې عرفان خان ويلي و چې په نيورونډ کراين ټيومر ناروغۍ اخته دی. د راپورونو له مخې نوموړی اوس په بريتانيا کې تر درمنلې لاندې دی.

دا ځل عرفان خان د خپل راتلونکي فلم په اړه چې د اګست پر ۱۰ راوځي ټويټ کړی دی.

عرفان خان تراوسه په سلم ډاګ ميليونر، لايف اف پای، جوراسک ورلډ او دي امېزېنګ سپايډرمن په څېر له ۱۰۰ زياتو باليووډ فلمونو کې هم کار کړی دی.

پر ټولنيزو رسنيو د عرفان خان بيا راښکاره کېدو له امله يې مينه وال ډېر خوشاله دي، ګڼو کسانو نوموړي ته پر ټوېټر ښه راغلاست ويلي او د ښې روغتيا غوښتنه يې ورته کړې ده.

د انځور حقوق TWITTER

نيورونډوکراين ټيومر داسې ناروغي ده چې د انسان په بدن کې حجرې اغېزمنوي او د بدن نور برخو ته هم غځېدلی شي.

عرفان خان د مارچ پر شپږمه نېټه ټوېټر پيغام کې ویلي وو، چې په ناروغۍ اخته دی خو هغه وخت يې په اړه نور معلومات نه وو ورکړي.

د انځور حقوق TWITTER

عرفان خان په ۲۰۱۳ کال کې د کانز فلم فيسټيوال پر مهال د لنچ باکس فلم لپاره د خلکو د خوښې ايوارډ ترلاسه کړی و. دا يوزاينی هندی فلم و چې هغه کال د لندن فلم فيسټيوال لپاره هم غوره شوی و.

د انځور حقوق TWITTER

پر دې سربېره، عرفان خان په ۲۰۱۳ کال کې د ملي فلم ايوارډ هم ګټلی دی.

اړونده مطالب

ورته مطالب