د امریکا له هوايي ډګره تښتول شوې مسافر وړونکې الوتکه سمندر کې لوېدلې

. د انځور حقوق AFP

امریکايي چارواکو ویلي، هغه مسافر وړونکې الوتکه چې له اجازې پرته یې د "سیاتل تاکوما" له نړیوال هوايي ډګره الوت کړی و، په سمندر کې لوېدلې ده.

دغې الوتکې سپرلې نه لرلې او د پیلوټ د هویت په اړه یې تر دې دمه معلومات نه شته.

پولیسو ویلي، دا پېښه ترهګریزه نه ده او چلوونکي یې د ځانوژنې هڅه کړې ده.

د دغې الوتکې تر پرواز وروسته د "سیاتل تاکوما" هوايي ډګر ټولې الوتنې وځنډول شوې.

د راپورونو له مخې، د الوتکې تر پرواز وروسته، امریکايي جنګي جیټ الوتکو پروازونه پیل کړي وو.

امریکايي چارواکو ویلي، د الوتکو یوه مستري (میکانیک) دغه الوتکه هوا ته پورته کړې او بیا یې په سمندر کې غورځولې ده.

د الوتکې څارنډلې څو ځله له پیلوټ سره چې لا یې هویت په ډاګه شوی نه دی، د اړیکې هڅه وکړه چې هغه دلاسا (قانع) کړي تر څو الوتکه په سمه توګه په هوايي ډګر کې کېنوي.

د "سیاتل تاکوما" هوايي ډګر الوتنې بیا پیل شوې دي.

* بیا به آریانا الوتکه کې سفر وکړم؟

* ښځې د نوي زېږېدلي ماشوم مړی الوتکه کې پرې ایښی

* د پیلوټ سګریټ څکولو له کبله الوتکه کې بېړنی حالت

ورته مطالب