تاجک امامانو د جوماتونو په چنده "د لینن مجسمه ورغوله"

د لینن مجسمه د انځور حقوق RADIO OZODI
Image caption هر جومات اونۍ کې ۱۰۰ ډالر راغونډ کړي

د رپوټونو له مخې، په تاجکستان کې د یو شمېر جوماتونو امامانو د خیرات پیسې د روسي انقلابي لینن د مجسمې پر رغولو لګولې دي.

د ‍"لیبرټي" تاجکستان لپاره د ازادۍ رادیو په راپور کې راغلي، د تاجکستان سوېلي شهرتوس ښار کې د جوماتونو امامانو د جمعې په ورځو راغونډې کړې خیراتي پیسې د ښار په زړه کې د لینن جوړې شوې مجسمې پر ترمیمولو لګولې دي.

د لینن مجسمې ته ځلانده طلايي رنګ ورکړل شوی،‌ مټې یې له سره رغول شوې دي چې وړاندې غوڅې شوې وې.‌

د شهرتوس شورا مهرنیسو راجبووا ویلي،‌ دا کار د ملا امامانو له خوا عملي شوی دی:‌

"مجسمه یې ترمیم کړه او شاوخوا سیمه یې پاکه کړه،‌ د اوبو شراره یې هم له سره ورغوله."

''د لینن مجسمې له نړولو وروسته یې د هغه پر سر فوټبال پیل کړ''

د لینن د مجسمې ستر "سر" ۲۴ کاله وروسته له خاورو راوایستل شو

هند کې د کمونیستانو د سیاست پای

ځینو امامانو له یادې رادیو سره خبرې کړې، خو خپل هویت او د مجسمې پر ترمیم د لګول شویو پیسو اندازه یې پټه ساتلې،‌ خو دا یې ویلي چې هره اونۍ یې جوماتونو کې د ۱۰۰ ډالرو په ارزښت پیسې راټولې کړې دي.

په شهرتوس ښار کې د لینن د مجسمې تاریخ تر ۱۹۸۰ کلونو پورې رسېږي، چې د هغه وخت د شوروي اتحاد د واکمنۍ پرمهال جوړه شوې وه.

د انځور حقوق YUEN KIM/YOUTUBE
Image caption د لینن د مجسمې بیارغولو تاجکستان کې تاوده بحثونه او لانجې پیل کړې دي

په ۱۹۹۱ کال د تاجکستان له خپلواکۍ او د شوروي له ماتېدو وروسته،‌ د شوروي اتحاد د بنسټګر ډېری مجسمې ماتې شوې،‌ خو دغې مجسمې ته د یوه قیمتي تاریخي څیز په سترګه کتل کېدل او تر ۲۰۱۶ کاله وساتل شوه.‌

په دغه کال چارواکو د شوروي اتحاد د وخت مجسمو د بدلولو پرېکړه وکړه او هوډ‌ یې دا و چې د خپلواکۍ له اخیستو وروسته دې د ملي اتلانو مجسمې ودرول شي.

د لینن دا مجسمه هم لرې شوه او د ابشاران کلي په یوه ودانۍ کې ودرول شوه.

"زموږ تاریخ"

ملا امامانو د مجسمې د ترمیمولو د انګیزې په اړه څه نه دي ویلي.‌

د یادې مجسمې ترمیمولو مسلې پر خواله رسنیو تاوده بحثونه پیل کړي، ګڼو دا خبر دروغ بللی،‌ خو ځینو نورو بیا تېر ایستونکی ګڼلی دی.

د انځور حقوق DIMITRI BORKO/AFP/GETTY IMAGES
Image caption ملا امامانو د مجسمې د ترمیمولو د انګیزې په اړه څه نه دي ویلي.‌

ځینو خواله رسنیو کاروونکو د ملا امامانو دا کار رد کړی او د ازادي رادیو پر وېبپاڼې یې په تبصرو کې لیکلي چې: "دوی د (اسلام) ملا امامان نه دي، بلکې د بوتانو بندګان دي"،‌ خو نورو بیا ویلي چې "دا مرستې یې پر بې وزلو وېشلی شوای."

ځینو نورو بیا په هېواد کې اوسنی ناسم وضعیت د شوروي د واکمنۍ د مهال له ژوند سره پرتله کړی او د امامانو دا کار یې ستایلی دی:‌

"دوی ښه کار کړی. که لینن نه وی د منځنۍ اسیا وګړي به جاهل پاتې وی."

ورته مطالب