روسي او سوري الوتکو "پر ادلب هوايي بریدونه کړي"

إدلب د انځور حقوق AFP
Image caption ایران او روسیې سوریه کې اوربند رد کړی

سوري فعالان وايي پر ادلب د روسیې او سوريې هوايي ځواکونو پروني بریدونه په تېرو څو میاشتو کې پر دغه ولایت تر ټولو سخت بلل شوي دي.

په برتانیا کې مېشت د سوریې د بشري حقونو د څار سازمان د رپوټ له مخې، په درېیو ساعتونو کې ګډو ځواکونو شپيته هوايي بریدونه کړي.

رویټرز خبري اژانس د ځايي خلکو له خولېویلي، دولتي الوتکو د ادلب په سوېل کې پر خان شیخون ښار بېرلي بمونه غورځولي دي.

د "سپين خولیو" په نوم د ژغورنې سازمان فعالیانو ویلي د روسي الوتکو له خوا له ویشتل شویو ویجاړو ودانیو یې څلور مړي رایستلي دي.

بېرلي بمونه

د سوریې ځواکونو د بېرلي بمونو کارول رد کړي، خو ملګري ملتونه وايي دا ډول بمونه په رښتیا هم کارول شوي دي.

ادلیب کې د کډوالو حال

پوتين، روحاني او اردوغان پر سوریې غږېدلي

روسیې بیا ویلي د ملکي وګړو ژوند ته پام کوي او د هغو سخت دریځو ډلو مرکزونه په نښه کوي چې له القاعده ډلې سره اړیکي لري، خو فعالان وايي پر ادلب د وروستیو بریدونو ډېر قربانیان ملکي وګړي دي.

د حکومت مخالفې ډلې وايي، روسیه او په سوریه کې د ټلوالې د نورو غړو هېوادونو ځواکونه روغتونونه او د ژغورنې بنسټونه په نښه کوي چې وسله والو اړشي وسله پرځمکه کېږي، لکه د سوریې په نورو سیمو کې چې وشول.

د انځور حقوق AFP
Image caption ادلب کې زرګونه خلک د جګړې له کبله بې ځایه شوي دي

پر ادلب بریدونه یوه ورځ وروسته له هغه پراخېږي چې د سوریې، ایران او ترکیې مشران په تهران کې سره جرګه شول، خو ایران او روسیې د اوربند وړاندیز رد کړی او ددوی په وینا د ترهګرو پر ځپلو یې ټینګار وکړ.

ادلب د سوریې حکومت د مخالفو ډلو وروستی مورچل بلل کېږي، هغه ډلې چې له کلونو راهیسې پر حکومتي ځواکونو بریدونه کوي.

د سوریې ادلب کې چاودنې ۳۹ کسان ووژل

د سوریې برید له قانوني اړخه

اټکل دی چې په ادلب ولایت کې چې له ترکیې سره پر ګډه پوله پروت دی، شاوخوا دېرش زره وسلوالو مېشت دي او د ملګرو ملتونو د شمېرو له مخې په ادلب کې نژدې درې میلیونه خلک ژوند کوي.

په دې وسیله کې د غږ اوريدل او ویډیو لیدنه شونې نه ده.
ادلیب کې د کډوالو حال

ورته مطالب