'د روسانو د خوندیتابه لپاره له طالبانو سره اړیکه'

طالبان د انځور حقوق Getty Images
Image caption ډیلي ټایمز لیکي روسیه له طالبانو سره اړیکي او د روسیې د بهرنیو چارو وزارت وايي چې د خپلو اتباعو د خوندیتابه او د سولې خبرو اترو لپاره له دغې ډلې سره په اړیکه کې دی.

برتانوۍ ډیلي مېل ورځپاڼه لیکي دفاع وزیر وايي هېواد یې په نړۍ کې بد خلک بریاليتوب ته نه پرېږدي او د طالبانو اړوندو ورانکارو کسانو له خوا د کېدونکو زور زیاتي مخه به نیول کېږي.

ورځپاڼه په همدې تړاو زیاتوي، په افغانستان او عراق کې د برتانیا ښکېلتیا ته د پړې ګوته نیول کېږي، خو تل داسې نه ده چې حتماً دي فزیکي ځواک موجود وي، بلکې د غیزفزیکي حضور خبره هم مهمه ده، ورځپاڼه زیاتوي د افغانستان کشاله له طالبانو سره له خبرو پرته نه شي هوارېدای.

ډیلي ټایمز لیکي پاکستان د افغانستان د سولې په تړاو کې د مسکو په جوړېدونکې غونډه کې برخه اخلي. ناتایید شوي راپورونه وايي دا غونډه د روانې اونۍ په پای کې کېږي، خو لا ددې خبرې رسمي پخلی نه دی شوی.

ډیلي ټایمز لیکي روسیه له طالبانو سره اړیکي او د روسیې د بهرنیو چارو وزارت وايي چې د خپلو اتباعو د خوندیتابه او د سولې خبرو اترو لپاره له دغې ډلې سره په اړیکه کې دی.

طالبانو د مسکو غونډې لپاره پلاوی ټاکلی

ډان ورځپاڼه خپله سرمقاله کې لیکي د پاکستان له خوا د طالبانو د جګپوړي مشر ملا عبد الغني برادر خوشي کول به په افغانستان کې د سولې په هڅو کې چې لا هم په لومړیو پړاوونو کې دي، مرسته وکړي.

د ورځپاڼې په وینا، د پاکستان له خوا دا ګام داسې باور رامنځته کولی شي چې ښايي په نسبتاً نژدې وخت کې د سولې په برخه کې جدي پرمختګ وشي، خو ورځپاڼه زیاتوي پاکستان په دې برخه کې نور څه هم کولی شي،

د انځور حقوق Getty Images
Image caption خلیلزاد ویلي، افغانستان کې سوله د پاکستان په ګټه ده

ورځپاڼه هغو راپورنو ته هم اشاره کوي چې وايي ملا برادر د قطر د بهرنیو چارو وزیر په غوښتنه چې په دې وروستیو کې اسلام آباد ته راغلی و خوشی شوی دی.

په دې برخه کې د افغان سولې لپاره د امریکا د بهرنیو چارو د وزارت د ځانګړي استازي زلمي خلیلزاد رول هم د پام وړ بولي.

خلیلزاد ولسمشر غني سره پر خپل سفر غږېدلی

جاپان ټایمز د چین او جاپان ټایمز اړیکو ته کتنه کړې او زیاتوي چی آیا چین ته د جاپان د لومړي وزیر شینزو ابې وروستی سفر او هلته له دغه هېواد سره د اړیکو د نوي څپرکي پرانیستل په دې معنی دی چې جاپان غواړي د امریکا پر تله چین ته ډیر نږدې شي.

په همدې تړاو ورځپاڼې د ځینو کارپوهانو نظرونه راخیستي چې غوښتنه کوي جاپان ته په کار ده چې د سوداګرۍ په برخه کې چین همغاړی شي او په دې توګه پر امریکا فشار راوړي چې د سوداګرۍ په برخه کې د لاډېرو فشارونو په اړه احتیاطه کارواخلي، خو حکومتي چارواکي دا ډول یو امکان ردوي.

ورته مطالب