ډنمارک ایران د بېلتونپال عرب فعال د وژلو په دسیسې تورن کړی

denmark د انځور حقوق NILS MEILVANG
Image caption د سې شنبې په ورځ‌ ډنمارک وویل، ایران په ډنمارک کې د ایراني عرب فعال حبیب جبر د وژلو دسیسه جوړه کړې ده.

ډنمارک ایران پخپله خاوره کې د یوه کس د وژلو په دسیسې تورن کړی او له ایرانه یې خپل سفیر ورغوښتی دی. د ډنمارک څارګرې ادارې ادعا کړې چې ددې دسیسې هدف ډنمارک کې د اوسېدونکي ایران عرب فعال حبیب جبر وژل وو. خو ایران دا تور ردوي.

د ډنمارک د بهرنیو چارو وزیر اناس سمویلسن ویلي، د هېواد په غوښتنه یې تهران کې خپل سفیر ورغوښتی او له اروپايي ټولنې به پر تهران د نورو بندیزونو لګولو غوښتنه وکړي.

ښاغلي سمویلسن ویلي: "ډنمارک په هېڅ ډول دا نه مني چې د ایران استخبارات د ډنمارک خاوره کې د یوه کس د وژلو دسیسې ترشا وي".

د ډنمارک د بهرنیو چارو وزیر پر دې باور دی چې د ایران حکومت ډنمارک کې د وژلو دسیسه لرله. خو تهران بیا دا په سختو ټکو رد کړې ده.

د ایران د بهرنیو چارو وزارت ویاند بهرام قاسمي د ډنمارک د استخباراتي چارواکو دا ادعا رد کړې او دا تورونه یې د دښمنانو له خوا د دواړو هېوادونو ترمنځ‌ او له اروپا سره د ایران د اړیکو د خرابولو یوه هڅه بللې ده.

علي خامنه يي: د امریکا متحدین په ایران کې بې ثباتي غواړي

فیسبوک؛ د ایران اړوند ۸۲ پاڼې حذف کړې دي

د ایران د سپاه پاسداران ۱۴سرتېري تښتول شوي

'ایران له افغانستانه د ډالرو قاچاق ته د څوځلي تګ راتګ وېزې ورکوي'

د سې شنبې په ورځ‌ ډنمارک وویل، ایران په ډنمارک کې د ایراني عرب فعال حبیب جبر د وژلو دسیسه جوړه کړې ده.

د ډنمارک د څارګرې ادارې مشر فین بورچ انډرسن ویلي، حبیب ډنمارک کې د اهواز د ازادۍ لپاره د عربي مبارزې د جنبش مشر و. ددغه غورځنګ نوم د ایران او عراق ترمنځ د جګړې په یاد پر جوړو مراسمو له مخکېني خونړي برید وروسته څرګند شو.

ډنمارک وايي، ددغې دسیسې په تور یو ایرانی الاصله نارویجی وګړی د اکتوبر پر ۲۱مه ناروې کې ونیول شو او ډنمارک ته سپارل شوی.

دغه کس په دې نخچه کې لاس لرل رد کړي. د ناروې پولیسو هم منلې ده چې په دې قضیه کې به له ډنمارک سره همکاري کوي.

د مشکوک نیول او د سفیر احضارول

انډرسن یوې خبري ناستې ته ویلي: "موږ د ایران له استخباراتي سازمان سره د ډنمارک خاوره کې د برید ترسره کولو سره مخامخ یو".

د ډنمارک امنیتي چارواکو ویلي، دا مهال درې کسان د ډنمارک د‌ پولیسو تر څار لاندې دي.

د ډنمارک بهرنیو چارو وزارت کوپنهاګن کې د ایران سفیر احضار کړی دی.ډنمارک ایران د وژلو په دسیسه تورن کړی

ورته مطالب