هغه مړي چې په سره مرچکي، ګاډي یا الوتکه کې خاورو ته سپارل کېږي

د انځور حقوق Fellipe Abreu

ګانا کې داسې تابوتونه چمتو کېږي، چې بڼه یې سره مرچکي، ګاډي یا دغسې نورو توکو ته ورته وي، چې د ژوند څرنګوالي او د انسانانو ارمانونه پکې تمثلېږي.

دغه راز د مړي خپلوان په دې باور دي چې دې سره یې د خپلوانو مړو درناوی کېږي او د دوی مینه څرګندوي.

خبریالان فلیپ ابریو او هینریک هیدلیر پلازمېنه اکرا کې د ترکاڼانو پر هغو دکانونو ګرځېدلي چې دغه راز تابوتونه چمتو کوي.

65835 د انځور حقوق Fellipe Abreu

کوکوا هغه بوټی دی، چې ګانا یې د نړۍ له لویو تولیدونکو هېوادونو یو دی او له همدې کبله د دغه هېواد کلیوالو سیمو کې ځايي اوسېدونکي د خپلو خپلوانو مړیو لپاره د دغه بوټي په بڼه تابوتونه چمتو کوي. د دغه ډول تابوت بیه ان ۱۰۰۰ ډالرو ته رسېږي او دومره پېسې د دغې سیمې کروندګرو لپاره خورا ډېرې پېسې دي، چې ډېر یې د ورځې ایله درې ډالره ګټي.

65788 د انځور حقوق Fellipe Abreu

اریک ادجیتې چې له نژدې ۵۰ کلونو راهیسې دغه کاروبار کوي وايي، تابوتونه معمولاً د مړي د ټولنیز حیثیت څرګندونه کوي او د سره مرچ تابوت د یوه کرونده ګر د ژوند حال وايي او د یوه داسې شخص یادونه کوي چې له مړینې وروسته هم یادېږي.

Coffin د انځور حقوق Fellipe Abreu

سټېو انسا چې تابوتونه چمتو کوي وايي، د جرمن مرسډیز بنز ګاډي په بڼه جوړ شوي تابوتونه ډېر مینه وال لري او د یوه داسې مړي سمبول بلل کېږي چې شتمن او ټولنیز حیثیت یې لوړ و.


مصر کې د تابوت سپړلو سره ګنګوسې هم ختمې شوې؟

د فلیپین غرونو کې د مړو ځوړند تابوتونه

Presentational grey line

ځايي خلک دغه ډول تابوتونه د متلونو صندوقونه هم بولي، ځکه د هر تابوت د طرحې تر شا یوه کیسه پرته وي.

65771 د انځور حقوق Fellipe Abreu

د یوه ماشوم مړي دغه تابوت ته د الوتکې بڼه ورکړل شوی او په یوه ډول بلې نړۍ ته د هغه د بریالۍ الوتنې سمبول بلل کېږي. ویل کېږي ځینې خپل خپلوان د تابوتونو په چمتو کولو کې مالي مرسته هم کوي.

65794 د انځور حقوق Fellipe Abreu

ګانا کې دا وروستیو کلونو کې د ځمکو کاروبار هم ښه زور اخیستی او دغه تابوت د یوه داسې سړي مړي ته چمتو شوی چې د ځمکو کاروبار یې کاوه او ځايي اوسېدونکو ته یې پر خپله ځمکه کورونه جوړ کړي وو.

65756 د انځور حقوق Fellipe Abreu

ترکاڼان تابوتونه چمتو کوي، نقشونه پرې کېندي او بیا یې رنګولو ته استوي. دغه تابوت کې به یو سندرغاړی خاورو ته سپارل کېږي چې د مایکروفون په بڼه چمتو شوی دی. ترکاڼ انساح وايي: موږ ته د مړي ونه نه معلومېږي، ځکه یې له کورنۍ پوښتنه کوو او یا کله نا کله ان د تصویر له مخې د تابوت اوږدوالی او سور ټاکو.

65704 د انځور حقوق Fellipe Abreu

په سیمه کې د دغه ډول تابوتونو له غوښتنې ډېرېدو سره یو شمېر نورو ترکاڼانو هم د ورته تابوتونو چمتو کول پیل کړي دي.

65098 د انځور حقوق Fellipe Abreu

دغه کجاوه او ملکه بیا د امریکا یوې ګالرۍ لپاره د هنري اثر په توګه چمتو شوې. ګهانا ته له نژدې ۲۰ هېوادونو د ښکلو هنرونو محصلین د لري هنري کار زده کړې لپاره ورځي.

65070 د انځور حقوق Fellipe Abreu

د دغه رپوټ متن او تصویرونه د فلیپ ابریو او هنریک هیدلیر اړوند دي.

اړونده مطالب