کاناډا ته د چین 'ګواښنه'

د هوايي جګپوړې مالي مشره منګ وانژو ددغه شرکت بنسټګره هم ده د انځور حقوق Reuters
Image caption د هوايي جګپوړې مالي مشره منګ وانژو ددغه شرکت بنسټګره هم ده

چین له کاناډا غوښتي، چې د هوايي شرکت ځايي نیول شوې اجرايي مشره مینګ وانژو خوشې کړي او یا به یې 'عواقبو سره مخامخ شي. '

یوه اعلامیه کې ویل شوي، د چین بهرنیو چارو وزیر لي یوچینګ په خپل هېواد کې د کاناډا سفیر احضار کړی او په دې تړاو یې ورته 'سخت احتجاج ' کړی دی.

د چین بهرنیو چارو وزارت د مېرمن وانژو نیول یو 'سخت ناوړه ' عمل بللی.

له دې مخکې په کاناډا کې د امریکا له خوا د چین هواوي شرکت نیول شوې جګپوړې مالي مشره منګ وانژو له ایران سره د سوداګریزو اړیکو د بندیزونو بابیزه ګڼلو له کبله تورنه بلل شوې ده، ښايي تر ۳۰ کلونو بند سزا ورکړل شي.

اغلې وانژو د امریکا په غوښتنه کاناډا کې ونیول شوه او د جمعې په ورځ کاناډا کې محکمې ته حاضره کړل شوه.

امریکايي څارنوالان ادعا کوي چې اغلې وانژو د هواوي شرکت اړوند یو شرکت سکای کام نه په ګټې اخیستلو له ۲۰۰۹ تر ۲۰۱۴ کال پورې پر ایران بندیزونه بابیزه ګڼلي دي.

چین د اغلې وانژو د خوشې کېدو غوښتنه کړې او کاناډا له چین سره د دوه اړخیزو اړیکو پر اهمیت ټینګار کړی.

چین د اختراع د امتیاز ثبتولو کې پر امریکا مخکې شو

تر ټولو د چټک فور جي انټرنېټ نوی 'ریکارډ'

نوکیا ۳۳۱۰ بیا بازار ته راوځي

امریکا وايي، منګ وانژو په هانګ کانګ کې په ناسم ډول سکای شرکت له هواوي شرکت جلا ښکاره کړی.

د چین د بهرنیو چارو وزارت ویاند نن وویل، نه امریکا او نه هم کاناډا داسې اسناد لري چې ګني اغلې وانژو دې پړه ثابته کړي.

د چین د هواوي شرکت دغه جګپوړې مشره داسې مهال نیول شوې چې د امریکا او چین ترمنځ د سوداګریزې جګړې اغېز پر نړیوالو بازارونو هم منفي اغېز کړی.

د چین ولسمشر شي جین پینګ او د امریکا ولسمشر ډونلډ ټرمپ هوکړه کړې چې تر درېیو میاشتو به نوې تعرفه نه وضع کوي.

دوو امریکايي چارواکو رویټرز خبري اژانس ته ویلي، ښاغلی ټرمپ مخکې د اغلې وانژو پر نیول کېدو نه خبر نه و.

منګ وانژو د شنبې په ورځ نیول شوې ده، خو د نیول کېدو خبر یې د چارشنبې په ورځ خپور شو.

د هوايي جګپوړې مالي مشره منګ وانژو ددغه شرکت بنسټګره هم ده.

محکمه کې څه تېر شول؟

په برېټېش کولمبیا لوړه محکمه کې منګ وانژو د "سکای کام" په نامه د هواوي شرکت له یوې څانګې له ۲۰۰۹ تر ۲۰۱۴ پورې پر ایران د لګول شویو بندیزونو بابیزه ګڼلو کې ګټه اخیستې ده.

د انځور حقوق Reuters
Image caption محکمه کې د منګ وانژو د حضور کښل شوی انځور

نوموړې تورنه شوې چې ولې یې سکای کام د هواوي شرکت یوه څانګه نه ده معرفي کړې.

که پر هغې دغه تورونه ثابت شي، تر ۳۰ کلونو زنداني کېدای شي.

خبریالان وايي، په محکمه کې د اغلې وانژو لاسونه تړل شوي وو او زرغون کمیس یې اغوستی و.

ورته مطالب