د مېړه له مړینې ساعتونه وروسته مېرمن هم 'له غمه' ومړه

د جاسون فرانسس او الیس رابنسون کورنیو لپاره تر اوسه ۲۹ زره اسټرالیايي ډالره بسپنه شوې د انځور حقوق Facebook
Image caption د جاسون فرانسس او الیس رابنسون کورنیو لپاره تر اوسه ۲۹ زره اسټرالیايي ډالره بسپنه شوې

د هغه مېړه او مېرمنې د کورنیو لپاره زرګونه پاونډه بسپنه ټوله شوې، چې څو ساعتونو کې یو په بل پسې مړه شول.

۲۹ کلن برتانوی فوټبال او رګبي لوبغاړی جېسن فرانسس چې د اسټرالیا پرت کې اوسېده، کور ته نژدې له یوه ګاډي سره د ټکر له کبله ومړ.

رپوټونو کې ویل شوي، د ده له مړینې څو ساعته وروسته یې د (غم) له کبله د مېرمنې الیس رابنسن زړه ودرېد او په کور کې مړه وموندل شوه.

ښاغلی فرانسس له ملګرو سره سیل ته تللی او کور ته د ستنېدو پر مهال یې ټکسي کرایه کړې وه.

وروسته پولیسو د یوې ښځې مړینه هم تایید کړه او ویې ویل، د ناڅاپې مړینې په اړه یې رپوټ چمتو کوي.

د ځايي رګبي لوبې کلب چې فرانسس یې سږ کال غړیتوب تر لاسه کړی و، وویل:

''دوی دواړه ښه انسانان وو او زموږ په کلب کې به یې یادونه تل پاتې وي. ''

د دغې جوړې کورنیو لپاره تر اوسه له ۲۹ زره اسټرالیايي ډالرو ډېره بسپنه ټوله شوې ده.

د ځايي فوټبال لوبډلو لوبغاړو او لوبډلمشرانو هم دغې جوړې ته درناوی وړاندې کړی دی.

اړونده مطالب