اماراتي سړي هندي کارګر قفس کې اچولي

پر خواله رسنیو دې وېډیو د غوسې یوه څپه راپارولې ده، ګڼو دا کار غندلی او یاد سړي ته یې سخته سزا غوښتې ده. د انځور حقوق Twitter
Image caption پر خواله رسنیو دې وېډیو د غوسې یوه څپه راپارولې ده، ګڼو دا کار غندلی او یاد سړي ته یې سخته سزا غوښتې ده.

پر خواله رسنیو د عرب کارنو غوسه وروسته تر هغه ډېره شوه، چې د یوه اماراتي سپورتي مینه وال له خوا د حیواناتو په غوجل کې قفس کې د هندي کارګرو د بندیانولو یوه وېډیو خپره شوه.

دغه عرب یاد هندیان له دې کبله بندیان کړي وو چې د خپل هېواد د فوټبال لوبډلې ملاتړ یې کاوه.

په وېډیو کې یو سړی ښکاري چې لکړه ورسره ده او له هندي کارګرو پوښتي چې د کومې ډلې ملاتړ به کوي، دوی ځواب ورکوي "د هندۍ لوبډلې" خو دی بیا پوښتنه تکراروي ان تر دې چې دوی اړباسي وايي "د اماراتۍ لوبډلې ملا تړي" بیا وروسته یې خوشي کوي.

پر خواله رسنیو د یادې وې‍ډیو تر ډېرې لاس په لاس کېدا وروسته د شارقې پولیسو اعلان وکړ چې وېډیو ثبتوونکی او بندي کوونکی یې نیولي او پوښتنې ګروېږنې ترې روانې دي.

پر خواله رسنیو دې وېډیو د غوسې یوه څپه راپارولې ده، ګڼو دا کار غندلی او یاد سړي ته یې سخته سزا غوښتې ده.

پر ټویټر د غوسې له ډېرېدو وروسته، یاد سړي یوه نوې وېډیو کې له ځانه د دفاع په پار ویلي چې دا کار یې مازې د ساتېرۍ لپاره کړی بلکې له کارګرو سره ښې اړیکې لري.

مراکشۍ خپل مین وژلی، غوښه یې وریجو کې پاکستاني کارګرو ته ورکړې

الوتکه کې مار د اماراتو پرواز لغوه کړ

خو د نوموړي دې کار هم د ټویټرکارنو غوسه نه ده سړه کړې،‌ یوه ټویټر کارن لیکلي: "ان که توکمپاله انګیزه هم نه وه د یوه انسان په څېر له دوی سره دداسې چلند حق یې نه لاره... کارګرو یې دا ناوړه کار زغملی ځکه ورته محتاج دي."

د رحمه سلطان په نامه یوې بلې کارنې لیکلي: "دا د نه منلو عمل دی او هېڅ توجیه ورته نه شته چې پر انسانانو ملنډې ووهل شي، دوی بې وزله دي او له تا سره کار کوي،‌ بیا یې وېډیو خپروې او ورباندې خاندې؟ که دا برعکس وای... ایا تا به منلې وه؟‌؟"

د اماراتو د فوټبال لوبډله د پنجشنبې په ورځ اماراتو کې د اسیا اتلولۍ کې له هندۍ لوبډلې سره مخامخ شوه، چې بالاخره په دوو ګولونو اماراتو لوبه وګټله.

ورته مطالب