د نړۍ یو تر ټولو لوی شارک ولې لامبوزن ونه خوړل؟

  • 18 جنوري 2019 - 28 مرغومی 1397
A shark said to be Deep Blue, one of the largest great whites on record, swims off Hawaii, January 15, 2019 د انځور حقوق Reuters

د امریکا هوايي ایالت ته نږدې د لامبوزنو ډلې د یوه تر ټولو لوی شارک موندلو سره نه یوازې تاریخ کې ریکاډ جوړ کړ، بلکې د دې کیسې اورولو لپاره ژوندي هم پاتې شول.

کارپوهان وايي، چې ۲۰ فوټه اوږد او نږدې دوه نیم ټنه غټ دا شارک ډيپ بلو نومېږي او نږدې شل کاله مخکې هم له یوې ډلې سره مخ شوی و.

* یو کب په درې میلیون ډالر

* هغه کب چې د بیا زېږېدو وړتیا لري

ډیپ بلو د نړۍ یو لوی سپین شارک دی او ځانګړنې یې نړیوالو مالوماتي مرکزونو کې ثبت دي.

ویل کېږي د اشارک د یوه مړه نهنګ لور ته روان و چې له لامبوزنو سره مخ شو.

د انځور حقوق Reuters

یوې لامبوزنې اوشن رمسي له ځايي رسنۍ ایکېچ سره خبرو کې ویلي، دوی د ټایګر شارک انځور اخیست چې ناڅاپه له دغه شارک سره مخ شول.

"موږ څو ټایګر شارک ولیدل بیا دا ښکاره شو، ټول یو بل خوا شول، ګریټ وایټ شارک زموږ بېړۍ سره ځان وموښه، موږ پوه شوو چې دا شارک د خپل ځان د خارښ کمولو لپاره زموږ کشتۍ سره ځان مښي، موږ سهار تللي وو او ټولو ورځ دا شارک زموږ سره و، دی هم زموږ شاوخوا ګرځېده".

رمسي وايي، د شارک خېټې کتلو سره یې فکر وکړ چې ښايي مېندواره وي.

د انځور حقوق Reuters

ویل کېږي د دې شاکر عمر ۵۰ کاله دی او دومره مشهور دی چې ان خواله رسنیو کې یې په نوم ټوېټر کاونټ هم شته.

په دودیز ډول ګریټ وایټ شارک هوايي ته نږدې اوبو کې نه وي، ځکه دوی یخو اوبو کې اوسي.

اوشن رمسي وايي، د ډېر عمر دا مېندواره وایټ شارک سره نږدې تلل، خو کله به چې هغې د خوړو هڅه کوله، نو دوی به ترې لرې کېدل.

هغه زیاتوي دا کب هغه مهال پر انسان حمله کوی چې کله بل شی ښکاروي او له ستونزې سره مخ شي یا پوه نه شي چې دا څه شی دی.

(دا انځورونه چاپ حق لري)