'واورین ډیلی لندن ته ورته ښکاري'

Hail in Noida د انځور حقوق PTI
Presentational white space

د هند پلازمېنه ډیلي کې د پنجشنبې پر ورځ سخته ژلۍ اورېدلې، لارې کوڅې یې له واورینو ټوټو ډک کړي او ګڼو ډیلي ښاریانو ته دا منظر خورا په زړه پورې ښکاریده.

په هغو تصویرونو او ویډیويي کلیپونو کې چې د ډیلي اوسېدونکو پر خواله رسنیو خپاره کړي، د چڼو یا نخودو په کچه ژلۍ دانې لیدلې کېږي، چې د ښار سړکونو رنګ یې سپین اړولی دی.

ډېری کسانو د دغه حیرانونکي منظر په لیدو خپل ښار لندن او شکاګو ته ورته بللی دی.

د اکیو ویدر نومې امریکایۍ موسمپاڼې هوا پېژندونکي جېسن نیکولس وايي، د له توپان سره یو ځای ژلۍ 'د ډيلي لپاره نوې خبره نه ده، خو داسې ډېر نه کېږي. '

ډیلي کې د هوايي چلند مسوولینو د دغسې سخت موسم له کبله د ښار له هوايي ډګرونو ټاکل شوې نژدې ۳۰ الوتنې لغو کړې.

بل لور ته ماهرین وايي، له توپاني بادونو سره یو ځای د ژلۍ او باران له کبله د ډیلي خورا ډېره ککړه هوا پاکه شوې ده.

د انځور حقوق Zubair Ahmad Ansari

له تېرو څو ورځو راهیسې د هند ځینې شمالي برخو کې درنې واورې اورېدلې دي.

د دغه سخت موسم له کبله په ځینې سیمو کې د وارو ښوېدنې احتمالي خطرونو اعلانونه شوي او یو شمېر ښوونځي تړل شوي دي.