امریکا له هند او ترکیې په سوداګرۍ ځانګړی دریځ بېرته اخلي

U.S. President Donald Trump and Indian Prime Minister Narendra Modi walk from the Oval Office to deliver joint statements in the Rose Garden of the White House June 26, 2017 in Washington, DC د انځور حقوق Getty Images
Image caption هند ویلي د امریکا دا ګام به 'لږ اقتصادي اغېز' وکړي.

د امریکا ولسمشر ډونلډ ټرمپ وايي، له هند او ترکیې نه په سوداګرۍ کې ځانګړی دریځ بېرته اخلي.

اوسمهال هند له ګمرکي تعرفو پرته په کال کې د ۵،۶ میلیارده ډالرو په ارزښت مالونه امریکا ته صادرولی شي.

خو ښاغلی ټرمپ وايي، ډیلي واشنګټن ته دا ډاډ ورنه کړ چې امریکايي مالونو ته به هم ورته لار پرانیزي او دا مالونه به د هند مارکیټ ته مناسب لاسرسی ومومي.

هند ویلي د امریکا دا ګام به 'لږ اقتصادي اغېز' وکړي.

امریکا همداراز ترکیې په اړه ورته دریځ بېرته اخیستو خبره کړې.

امریکا دې سوداګریو ته د 'نا انصافه تجارت' په سترګه ګوري.

ښاغلي ټرمپ ژمنه کړې چې د متحده ایالتونو د سوداګرۍ خساره به کمه کړي او څو ځله یې د لوړو مالیاتو په اړه هند په غوږ وهلی دی.

امریکا پر چینایي توکو نوې تعرفه ولګوله

"امریکا پر اروپايي توکو تعرفې لګولو سره خطرناکه لوبه کوي"

کانګرس ته په یوه لیک کې، د امریکا ولسمشر ویلي چې "هند امریکا ته ډاډ نه دی ورکړی چې په خپل مارکیټ کې به د امریکا مالونو ته مناسب لاسرسی ورکړي".

د پایلې په توګه، هغه د متحده ایالتونو سوداګریزو استازو (USTR) دفتر ته لارښوونه کړې چې هند د ځانګړي ترجیحي دریځ سوداګري پروګرام نه وباسي.

ځانګړی سوداګریز دریځ

د هند ځانګړي دریځ د سوداګري (GSP) د پروګرام له لارې بېل توکي کوی شي د امریکا له مالیاتو معاف پلورنځیو (ډیوټي فري) ته لار ومومي. د دې توکو صادرونکو هېوادونو لپاره د امریکا کانګرس یو شمېر معیارونه ټاکلي.

د انځور حقوق Reuters

په دې شرطونو کې یو دا دی چې صادروونکی هېواد به د امریکا مالونو ته په خپل بازار کې ځانګړی او مناسب لاسرسی ورکوي.

د هند د سوداګري وزیر انوپ وداوان ویلي له دې پروګرام نه د هند ویستل به په دې هېواد ۱۹۰ میلیونه ډالره اغېز وکړي.

هغه ویلي له دې وروسته به له امریکا سره ددوی سوداګریزې اړیکې ښې پاتې شي.

ورته مطالب