مکرون: نوتردام کلیسا به بېرته ورغوو

په دې وسیله کې د غږ اوريدل او ویډیو لیدنه شونې نه ده.
دا کلیسا په دواړو نړیوالو جګړو کې کابو سالمه پاتې شوې وه.‌

د پاریس تر ټولو لویې نوتردام کلیسا یوه لویه برخه اور سوځولې ده. د اور لامل په اړه بېلابېل نظرونه وړاندې کېږي، خو چارواکي وایي هلته د بیا رغونې کارونه روان وو او ښایي همدا د اور لګېدنې لامل شوي وي.

سه شنبه سهار فرانسوي چارواکو وویل چې د څو ساعتونو له زیار وروسته بلاخره وتوانېدل چې اور ووژني. ‌

د اور وژنې املې ټوله شپه هڅه کوله چې د کلیسا منځ‌ کې هنري اثارو ته د اور د لمبو مخه ونیسي. چارواکو ویلي، د کلیسا د ودانۍ دوه لوی څلي روغ پاتې دي.

د فرانسې ولسمشر ایمانویل مکرون دا یوه غمجنه پېښه بللې او د بیا رغولو ژمنه یې کړې ده.‌ د اور په اړه پلټڼه پیل شوې ده. د کلیسا د بیا رغولو لپاره هم کمپاین پیل شوی دی او پیسې راغونډېږي.

د اور پیلېدل

اور د دوشنبې په مازدیګر پیل شو، د ننه لرګینې کړکۍ او نور جوړښتونه یې وسوځول او بیا د اور لمبې چت او مخروطي منارو ته ورسېدې.

اور وژونکو هڅه وکړه د کلیسا ناقوس او منارو ته د اور د لمبو مخه ونیسي.

Interactive Notre-Dame cathedral fire

After

Image of Notre Dame with the tower missing

Before

Image of Notre Dame with the tower on fire

نوتردام کلیسا د فرانسې یو تر ټولو مهم او لرغونی اثر ګڼل کېږي. د کلیسا نوم له یوه فرانسوي ادبي شاهکار د ویکتور هوګو له "ګوژپشت نوتردام" څخه اخیستل شوی دی.‌

د فرانسې د انقلاب پرمهال هم دغې کلیسا ته زیان اوښتی و.‌ دا کلیسا په دواړو نړیوالو جګړو کې کابو سالمه پاتې شوې وه.

د امریکا ولسمشر ډونلډ ټرمپ تېره شپه وړاندیز کړی و چې د اور وژلو لپاره دې "اوبشیندې چورلکې وکارولې شي."

د نوتردام په اړه حقیقتونه

  • هر کال دغې کلیسا ته شاوخوا ۱۳ میلیون زیارت کوونکي ورځي، چې لیدونکي یې د ایفل څلي تر لیدونکو ډېر دي
  • یونیسکو دا کلیسا د نړۍ په میراثي ځایونو کې راوستې ده. کلیسا په ۱۲ او ۱۳مو پېړیو کې جوړه شوې
  • د کاتولیکې کلیسا له مخې نه د ترمیم په موخه ځینې مجسمې لیرې شوې دي
  • د کلیسا چت چې له لرګیو جوړ شوی و، تر ډېره سوځېدلی

د جرمني لومړۍ وزیرې انګېلا مرکل د فرانسې د خلکو د ملاتړ په پار ویلي، نوتردام د فرانسې او اروپا د کلتور یوه نښه ده.

د برتانیا لومړۍ وزیرې تیریزا مې هم ویلي، په دې شېبو کې د فرانسې د خلکو او هغو مامورینو په فکر کې ده چې له اور وژنې هڅې کوي.

ورته مطالب