ایران
په دې وسیله کې د غږ اوريدل او ویډیو لیدنه شونې نه ده.

بحث: آیا په رښتیا هم د ایران او امریکا ترمنځ د جګړې خطر شته؟

  • 15 می 2019 - 25 غویی 1398

د امریکا او ایران ترمنځ ډېرېدونکې ترینګلتیا سره سره واشنګټن ویلي تهران سره جګړه نه غواړي. د امریکا د بهرنېو چارو وزیر مایک پامپیو په روسیې کې د خبرو پرمهال تاکید کړی دی چې ایران باید د یو نورمال هېواد په توګه چلن وکړي او که په ګټو یې برید وشي ځواب به ورکوي.

د ایران مذهبي مشر ایت الله علي خامنه يي هم ویلي دي چې امریکا سره به جنګ نه کېږي. د دواړو خواوو دا خبرې په داسې وخت کې کېږي چې تېره اونۍ امریکا خلیج ته جنګي بېړۍ او الوتکې استولې دي.

رادیوي بحث کې په دې غږېږو چې وروستیو پرمختیاو د امریکا او ایران ترمنځ څومره ترېنګلتیا زیاته کړې ده؟ ایا په رښتیا هم د دواوړ خواوو ترمنځ د جګړې خطر شته؟

د ترینګلتیا اغېزې به څه وي؟ او د دې ترېنګلتیا کمولو لپاره څه کول پکار دي، دا او نورې پوښتنې په عربي اماراتو کې د پاکستان پخواني سفیر اصف دراني، په امریکا او افغانستان کې د منځني ختیځ د چارو کارپوهانو ډاکټر عالم پایند او ډاکټر عبدالباقي امین سره څېړو.

د پروګرام وړاندی کوونکی عنایت الحق یاسیني دی.