سعودي ایران ته: جګړه نه غواړو، خو دښمنانه فعالیتونه نشو زغملی

عادل الجبیر د انځور حقوق Reuters
Image caption الجبیر ټینګار کړی چې اوس د خبرو وخت نه، بلکې د خوځېدو او عمل وخت رارسېدلی

د سعودي عربستان د بهرنیو چارو وزیر عادل الجبیر بي بي سي ته ویلي، هېواد یې له ایران سره جګړه نه غواړي، خو په سیمه کې د "ایران دښمنانه فعالیتونو" ته به اجازه ور نه کړي.

ښاغلي الجبیر دا خبرې سعودي کې له دوو بېړنیو سرمشریزو جوړېدو مخکې کړې دي، چې د سعودي پاچا سلمان بن عبد العزیز په خلیجي سیمه کې د ترینګلتیا د لوړېدو په تړاو د بحث لپاره عربي هېوادونه ورغوښتي.

دا سرمشریزې د راتلونکې جمعې په ورځ په مکه ښار کې جوړېږي.

د سعودي د بهرنیو چارو وزیر دواړې سرمشریزې، چې یوه یې د عربي هېوادونو او بله خلیجي هېوادونو ده، "ایران ته یوه ښکاره پیغام" بللی دی.

کله چې له ښاغلي الجبیر نه له ګاونډیانو سره د ایران د خبرو د وړاندیز په اړه وپوښتل شول، الجبیر وویل، دا د عمل وخت دی نه د خبرو.

په وروستیو کې ایران ته په سیمه کې د ځینو بریدونو ترسره کولو د مسؤولیت ګوتې نیول شوې. د عمان په خلیج کې د سعودي او اماراتو د څلورو سوداګریزو بېړیو د ویجاړولو پړه هم پر ایران اچول شوې ده.

پر سعودي د ممکنه برید په تړاو مکه کې بېړنۍ سرمشریزې

امریکا له ایران سره جنګ غواړي؟

د امریکا- ایران جنجال: خلیج ته توغندیز ډال او یوه بله بېړۍ لېږل

همدارنګه، څلورو تېل لېږدوونکو بېړیو ته هم زیان اوښتی، چې امارات یې تخریبي بریدونه بولي، په ورته وخت کې په سعودي کې د تېلو د چاڼ پر دوو ځایونو د بې پیلوټه الوتکو د بریدونو پړه هم د ایران له ملاتړه پر برخمنو حوثي یاغیانو اچول شوې ده.

ایران دا نه مني چې ګني د دغو بریدونو ترشا دې د دوی لاسونه وي، خو د امریکا پوځي چارواکو د دغو بریدونو د پړې ګوتې د ایران انقلابي ګارډ ځواکونو ته نیولې دي.

د انځور حقوق AFP
Image caption سعودي عربستان ټینګار کوي په ویجاړو شویو بېړیو کې دوې تېل لېږدوونکې بېړۍ د دوی وې.

په ورته وخت کې، امریکا په سیمه کې خپل پوځي حضور پیاوړی کړی، چې دې هم د تهران او واشنګټن ترمنځ اړیکي ترینګلي کړي دي.

د دواړو ترمنځ اړیکي وروسته تر هغه ترینګلي شول، چې د امریکا ادارې د ځینو هېوادونو په استثنا له ایرانه د تېلو پر خرڅلاو بندیز ولګاوه.

ورته مطالب