جاپان کې اورلګېدنې ۲۳ کسان وژلي او لسګونه ټپیان دي

جاپان د انځور حقوق Reuters

د جاپان د بېړنیو خدمتونو چارواکو ویلي چې ددې هېواد د انېمیشن جوړونې یوې سټدیو کې اورلګېدنې لږ تر لږه ۲۳ کسان وژلي دي.

سیمه ییزو رسنیو د جاپان د پولیسو له قوله لیکلي چې یو شکلاندي کس د کیوټو په نوم انېمیشن فلمونو جوړنې کمپنۍ ته ورغلی، لومړی یې پطرول شیندلي بیا یې اور ورته کړی.

د رپوټونو له مخې لسګونه کسان ټپیان شوي دي.

تورن کس نیول شوی او د ټپونو له امله روغتون ته لېږدول شوی دی.

جاپان کې ۵۰ کلن سړي ۱۶ ماشومان په چړې وهلي

د محمد علي جناح کړوسی جاپان کې له بنګو سره نیول شوی

"د جاپان شهزادګۍ امپراتوري ولې نه غواړي؟ "

د کویټو پولیسو ویاند اې اف پي خبري اژانس ته ویلي: "یو سړي یو ډول مواد شیندلي او بیا یې اور ورته کړی."

تر اوسه د مشکوک کس په اړه نور جزیات نه دي خپاره شوي.

اور نن (چنګاښ ۲۷) په یو درې پوړیزې ودانۍ کې لګیدلی دی.

د انځور حقوق Reuters

سیمې ته نژدې خلکو ویلي چې لومړی یې د څو پرلپسې چاودنو غږونه واورېدل او ورپسې خلک له کمپلو سره له ودانۍ بهر وتل.

د سیمې اوسېدونکې مېرمن کایوډو خبري اژانس ته ویلي، یو سړی یې ولید چې پښې یې په وینو لړلې وې او له ودانۍ بهر شو.

یو بل عیني شاهد ویلي "سرې لمبې ختلې."

کیوټو انمیشن یا د خوځنده فلمونو جوړونکې کمپنۍ مشهوره کارتوني فلمونه جوړوي.

په خواله رسنیو کې ددې کمپنۍ ګڼو مینه والو خواشیني څرګنده کړې او د دې کارتوني جوړونې شرکت لخوا جوړو شویو کارتوني انځورونه خپاره کړي.

ورته مطالب