برازیل کې وسله والو غلو له هوايي ډګره ۷۵۰ کیلو ګرامه سره زره غلا کړي

په دې وسیله کې د غږ اوريدل او ویډیو لیدنه شونې نه ده.
غلو د پولیسو جامې اغوستې وې

برازیل کې غلو ۷۵۰ کیلو ګرامه سره زر غلا کړي چې ویل کېږي ارزښت یې نژدې ۳۰ میلیونه ډالرو ته رسېږي.

غله د ساوپالو ښار ګوارولهوس هوايي ډګر ته د پولیسو جامه کې ننوتل او هغه سره زر یې لوټ کړل چې نیویارک او زیوریخ ته د استول کېدو لپاره هلته ساتل شوي وو.

پولیس وايي، د هوايي ډګر دوه کارکوونکي د پېښې پر مهال د غلو لخوا یرغمل شوي وو.

ځینې رپوټونو کې ویل کېږي چې ښايي غلو د چارشنبې پر ورځ د یوه لوړپوړي چارواکي کورنۍ غړي د دې لپاره یرغمل کړي وو، چې دننه معلومات تر لاسه کړي.

ماشومانو غلا شوي موټر کې ۹۰۰ کیلومتره مزل کړی

د ازموینې پرمهال ګرانبیه فراري ګاډی غلا شوی

امریکایي پوځیانو ولې د کلیسا زنګونه غلا کړل؟

غلو له فدرالي پولیسو او کارکوونکو سره له مخامختیا وروسته د خپل ګاډي بڼه بدله کړه. د امنیتي ځواکونو له لوري خپرو شویو تصویرونو کې لیدل کېږي چې څلور کسان له ګاډي وځي چې یوه سره یې وسله هم لیدل کېږي.

د هوايي ډګر یوه ویاند له پېښې وروسته وویل، پېښه کې چا ته زیان نه دی رسېدلی، خو د یرغمل کېدو پېښې په تړاو یې څه نه دي ویلي.