له مړي د یونیفورم ایستلو لپاره قبر وسپړل شو

قبر د انځور حقوق Reuters

لویدیځه کینیا کې چارواکو د هغه سړي مړی بېرته له قبره را ایستلی، چې رسمي یونیفورم کې خاورو ته سپارل شوی و. دوی له مړي د یونیفورم یا رسمي دریشۍ ایستلو لپاره د هغه قبر بېرته پرانیستی.

مارټن شیکوکو الوکویي نومي سړی د کاکامیګا نومې سیمې د ځوانانو خدمت سازمان په یونیفورم کې له ډوبېدو وروسته مړ شوی و.

د سوالګرۍ لپاره له قبر د ماشوم د مړي ايستل

د ماشومانو درې زره کلن قبرونه

د فلیپین غرونو کې د مړو ځوړند تابوتونه

چارواکو وروسته د نوموړي کورنۍ له مخالفت سره سره د هغه مړی له قبره بېرته وایست چې اغوستی یونیفورم ترې وکاږي. د مړي تره وايي، ( چارواکو د ځمکې قانون او زموږ د نیکونو اصول تر پښو لاندې کړي دي.) فرانسس موتمبا نومېږي ډیلي نېشن نومې ورځپاڼې ته وايي:

''موږ ځايي چارواکي په دې تړاو خبر کړي وو او دوی په دې اړه هېڅ اعتراض نه درلود چې مړی دې له رسمي یونیفورم سره خاورو ته وسپارل شي. ''

د مړي کورنۍ وايي، دوی د مړي بېرته راایستلو سره مخالفت وکړ، خو په خبره یې چارواکو د دوی له خوښې او د محکمې له اجازې پرته مړی له قبره راوایست.

د انځور حقوق THE STANDARD
Image caption ویل کېږي، د مړه سړي یونیفورم لا هم نه دی خراب شوی

د سیمې قومي مشر مرستیال دانیل نمايي د چارواکو دغه کړنه غندلې او محکمې ته د تلو یې کړی دی.

نوموړي د نېشن ډيلي ته ویلي:

''که یو ځل مړی خاورو ته وسپارل شي، بېرته باید د محکمې له ځانګړي امر پرته بېرته و نه ایستل شي، ځو ځايي چارواکو د یونیفورم بېرته اخیستلو لپاره ناروا لاره غوره کړې ده. ''

د ابانګونیا قبیلې مخورو هم د ځايي چارواکو دغه کړنه غندلې او دا یې د دود دستور خلاف چاره بللې ده. ویل کېږي له وروستیو مراسمو وروسته دغه مړی روانه اونۍ له نوي کفن سره بېرته خاورو ته سپارل شوی دی.

اړونده مطالب