ټرمپ ته د "بدژبې" ځواب په هشټګ بدل شو

د انځور حقوق Getty Images
Image caption د امریکا ولسمشر ټرمپ او ګرېسي.

د امریکا ولسمشر ډونلډ ټرمپ وتلې امریکايي ماډلې او د یوه پروګرام چلوونکې کرېسي ټېګن بدژبې وبلله، خو هغې چې کوم ځواب ور کړی اوس خواله رسنیو کې مشهور شوی دی.

د ټوېټونو لړۍ کې ولسمشر پر سندرغاړي جان لیګنډ او کرېسي ټایګن نیوکه کړې وه چې د جنايي جرم د اصلاح د ملاتړ له امله یې ونه ستایه.

* د ډانیلز او ډونلډ ټرمپ د مینې کیسه کوم لور ته ځي؟

* مایکل کوهن: ټرمپ رانه وغوښتل چې درواغ ووایم

ولسمشر ټرمپ جان خسته کوونکی بولي او زیاتوي، دوی دواړه یې هغه وخت ونه لیدل چې د اصلاحاتو منظورۍ لپاره یې ملاتړ ته ضرورت درلود.

د ولسمشر ټرمپ دې ټوېټونو ته د کرېسي غبرګون ان د ټوېټ هشتګ جوړ شو او نړۍ کې مشهور شو.

دا له ټرمپ سره د نوموړې د پخوانیو ناندریو یوه کړۍ ده، پخوانیو ناندریو کې ولسمشر ټرمپ دا هنرمنه په ټوېټر کې بلاک کړې وه.

څه پېښ شول؟

د ډونلد ټرمپ تبصرې له هغه وروسته وې چې یوه امریکايي چینل د جنايي جرم په هکله پروګرام درلود، چې د کریسي مېړه جان لیجنډ ډېر وښودل شو.

ولسمشر وویل: "هنرمن لیجنډ او د هغه بدخولې ښځه اوس دا وايي، چې څومره ښه کار دی، خو ما دوی هغه وخت کله هم ونه لیدل چې د دې منظورۍ لپاره ملاتړ پکار و او اېنکر لیستر هالټ هېڅکله هم خپلو پروګرامونو کې د ولسمشر ټرمپ یا جمهوریپال ګوند یادونه ونه کړه."

د ولسمشر ټرمپ د ټوېټ ځواب کې کریسي داسې ولیکل: "خو کله یې چې ځواب په ټرېنډ بدل شو، نو پخپله اومېړه یې له مینوالو وغوښتل چې ټوېټ یې نه کړي."

جان په ټوېټ کې ولیکل مهرباني دا د ناپاکې خولې هشتګ مه ټرېنډ کوئ.

او کرېس دا له ولسمشر سره خپله جګړه وبلله

د جنايي جرم سمون

د انځور حقوق Getty Images
Image caption له ټرمپ سره د دې مړه او مېرمنې ناندرۍ له پخوا روانې دي.

د ۲۰۱۸ کال ډیسمبر کې ولسمشر ټرمپ د لومړي ګام عمل په لاسلیک سره دا حالت په قانون بدل کړ چې له مخې یې د هغو خلکو لپاره چې له تشدد پرته یې د نشه يي توکو جرم کړی اجباري بند کمېږي او د زدکړو او مسلکي کار د ور ښودلو له لارې یې د رول ښه کولو هڅه کېږي..

نوموړی دا هم وايي، چې باراک اوباما د جنايي جرم اصلاحاتو کې پاتې راغلی.

خو د جنايي جرم سیستم کې په سمون سره د توکمیزو توپیر کمول د اوباما او ټرمپ دواړو ادارو یو لوی پلان دی.

د انځور حقوق TWITTER/CHRISSY TEIGEN