د کاناډا د لومړي وزیر داسې انځور چې جنجالي شو

د انځور حقوق TIME MAGAZINE

د کاناډا د لومړي وزیر جاسټن تروډو هغه عکس د دغه هېواد د ټاکنو درشل کې جنجال جوړ کړ چې نوموړي پکې د یو زرو یو شپې په نوم مېلسمتیا کې د ګډون لپاره خپل مخ قهوه يي کړی و، خو دا انځور چې رسنیو کې خپور شو، څو دقیقې وروسته ښاغلي تروډو پښېماني وښوده.

ښاغلي تروډو چارشنبه د دې عکس خپرېدو ته په غبرګون کې وویل، له خپله دغه کار سخت پېښمه دی او دا سبق یې زده کړ چې باید ډېر پام وکړي.

دا عکس د چارشنبې په ورځ د سپټمبر پر ۱۸ اول ټایم مجلې خپور کړ او ویې لیکل چې دا یې د ویسټ پواینټ ګري پوهنتون د ۲۰۰۱ کال کتاب کې موندلی دی.

ښاعلی تروډو د اکټوبر پر ۲۱ یا نږدې یوه میاشت وروسته د خپل لومړي وزارت د پایښت لپاره ټاکنو کې نوماند دی.

نوموړی د کاناډا د پخواني لومړي وزیر پيیر تروډو زوی دی او پخوا یې د ونکوور ښار د ویسټ پاینټ اکاډمي کې- چې د خواصو او پوهانو پوهنتون- بلل کېږي درس ور کاوه.

دغه عکس کې ښاغلی تروډو د علاوالدین ته ورته جامو کې ښکاري، چې مخ یې هم یو مخ قهوه يي کړی دی او علاو الدین د یو زر یو شپې کیسو یو کرکټر دی

دا ډول مخ تورول توکمپال ګام تعبیرېږي.

اوس تروډو منلې چې دا انځور توکمپال و او باید دا کار یې نه وی کړی.

کله چې خبریالانو وپوښت و، یواځې دا یو ځل یې خپل مخ تور کړی، نو ځواب یې و چې یو ځل بل هم ښوونځي یوه ننداره کې مخ تور کړی و.

د کاناډا د مسلمانانو شورا هم دغه انځور ته سخت غبرګون ښودلی دی.

د دې شورا مشر مصطفا فاروق وايي: له تور مخ سره د لومړي وزیر لیدل ډېر خواشینوونکي دي. دا چلن د توکمپال تاریخ یادول دي چې هیڅ د منلو نه دی.

د ډیموکراټانو نوي مشر جامیت سینګ هم دا انځور سپکوونکي او ځوروونکی بللی دی.

د کاناډا د زرغون ګوند مشرې الیزابت مې هم پر انځور نیوکه کړې او دا داسې ګوند دی چې امکان شته د ښاغلي تروډو سره ټلواله جوړه کړي.