د بې وزلو د لاسنیوي لپاره د مرستیال ولسمشر ګاډي لیلام شول

  • 2 اکتوبر 2019 - 10 تله 1398
استوائی گنی د انځور حقوق Reuters

د سویزرلنډ یا سویس په جنیوا ښار کې لیلام وشو، چې پکې د منځنۍ افریقا د استوايي ګېنه له حکومت اخیستل شوي نږدې پنځوس ګاډي لیلام شول.

د دې لیلام په هکله هیښوونکې خبره دا ده چې ترلاسېدونکې پیسې د بې وزله خلکو د ژوند ښه والي لپاره وېشل کېږي.

استوائی گنی د انځور حقوق Reuters

د جنیوا لیلام کې فراري، لیمبورګیني، رولز رایس او بیوګاټي موټر د استوايي ګینه د ولسمشر ټیوډورو اوبي انګ نوییما د زوی او مرستیال ټیوډورن دي.

سویس د ټیوډورن په تړاو د پیسو د فساد او د بیت المال د ناسم کارولو پلټنې کوي.

استوائی گنی د انځور حقوق Reuters

خو دا پلټنې هغه وخت ودرول شوې چې ټیوډورن وویل، د موټرو له لیلام ترلاسه شوې پیسې به د خیر ښېګڼې پروګرامونو کې ولګوي.

له دې مخکې پر ۲۰۱۷ کال یوې فرانسوۍ محکمې ټیوډورن په اداري فساد تورن کړی او د ۳ کاله بند سزا یې ورته اورولې وه.

لائن

د ګاډو له لیلام تراوسه دوه کروړه او اویا لکه یا ۲۷ میلیون ډالر ترلاسه شوي. چارواکي وايي، له دې پیسو به ۲۳ میلیون ډالر د پرمختیايي او خیر ښېګڼې چارو لپاره مصرف شي.

استوائی گنی د انځور حقوق Reuters

د ۲۰۱۴ ماډل لیبوګیني وینینو روډستر په ۸۳ لکه یا اته میلیون او درې لکه لیلام شو. دا موټر تاریخ کې تر ټولو ډېر لیلام واله ګاډو کې دی.

دا ګاډی ایټالوي کمپنۍ لیمبوګیني په ۵۰ کلیزه نندارې ته وړاندې شو او په ګړۍ ۳۵۴ کیلومتره مزل کوي.

استوائی گنی د انځور حقوق Reuters

د فراري دا ناویات لا فراري ۲۲ لکه یا دوه میلیونه او دوه لکه ډالر پلورل شوی دی.

دا ګادی ۲،۴ سیکنډو کې له ۰ تر ۱۰۰ کیلومترو په ګړۍ چټکتیا ته پورته کېږي او په ګړۍ له ۳۵۰ کیلومترو ډېر مزل کولی شی.

استوائی گنی د انځور حقوق Reuters

دا تور رنګه کونګ زګ ون په څلور میلیونه شپږ لکه ډالر پلورل شوی دی. دې لیلام کې تر ټولو ناویات ګاډی دی، ځکه دې کمپنۍ دا ډول اووه ګاډي جوړ کړي وو.

استوائی گنی د انځور حقوق Reuters

د برتانوۍ کمپنۍ مکلیرن پی یو کوپي په ۱۱ لکه ډالر لیلام شو. دا ۹۰۳ اس ځواک انجن لري، چې ۳۵۰ کیلومتره په ګړۍ تګ کوي.