بهرنۍ ناواده شوې جوړې د سعودي هوټل کې خونه کرایه کولی شي

  • 6 اکتوبر 2019 - 14 تله 1398
سعودي د انځور حقوق AFP
Image caption سعودي: "دا له بهرنیو سیلانیانو نه غوښتل کېږي. د سعودیانو په ګډون ټولې ښځې په هوټلونو کې خونې کرایه کولی او یواز پاتېدلی شي، خو چې د ننوتلو پرمهال د پېژندنې کارتونه ولري."

د سعودي عربستان حکومت ویلي، د بهرنیو سیلانیانو ورماتولو په پار اوس نا واده شوې بهرنۍ جوړې په هوټلونو کې یوځای خونې کرایه کولی شي.

دا ګام وروسته تر هغه اخیستل شوی، چې سعودي د یوشمېر هېوادونو وګړو ته وېزې ورکولو اسانتیا رامنځ ته کړه.

ښځې د هوټلونو په خونو کې یوازې هم پاتې کېدای شي.

وړاندې به بهرنۍ جوړې دې ته اړایستل کېدې چې هوټل کې د خونې له کرایه کولو مخکې د خپل واده ثبوت وړاندې کړي.

په تېر کې بهرنۍ جوړې اړې وې چې د خپل واده اسناد ولري، خو اوس دا رول د بهرنیو سیلانیانو د ورماتېدو په پار له منځه تللی دی.

د سعودي عربستان د سیاحت او ملي میراث ادارې مشر په یوه خبرپاڼه کې ویلي "له ټولو سعودي وګړو غوښتل شوي چې هوټلونو کې د خونو د کرایه کولو پرمهال خپلې تذکرې او د ښځې او مېړه ترمنځ د تړاو لرلو سند وښيي."

د انځور حقوق Reuters
Image caption سعودي غواړي بهرني سیلانیان یې په نرمښت پوه شي او هلته د سیاحت لپاره زړه ښه کړي

"دا له بهرنیو سیلانیانو نه غوښتل کېږي. د سعودیانو په ګډون ټولې ښځې په هوټلونو کې خونې کرایه کولی او یوازې پاتېدلی شي، خو چې د ننوتلو پرمهال د پېژندنې کارتونه ولري."

د نوې وېزې اجرآت په ډاګه کوي چې له سیلاني ښځو نه غوښتل کېږي چې خپل ټول ځان پټ کړي، خو لاهم ترې غوښتل کېږي چې متوسط کمیس ولري.

په دې وسیله کې د غږ اوريدل او ویډیو لیدنه شونې نه ده.
سعودیانې موټر چلولی شي

ورته مطالب