کرتاپور؛ د پاکستان "پټ پلان" ته هوښیار اوسئ

انڈیا کی ریاست پنجاب کے وزیر اعلیٰ کیپٹن ریٹائرڈ امریندر سنگھ د انځور حقوق Getty Images

د کرتاپور له لارې ګردوارې ته د سیکانو د راتلو په هرکلي کې پاکستان ویډیو جوړه کړې چې هند نیوکې پرې کوي.

دې ویډیو کې د هندي پنجاب د سیکانو د خالصتان د بېلتونپالو غورځنګ داسې څو مشرانو انځورونه هم دي چې پر ۱۹۸۴ کال د امرتسر ګولډن ټمپل کې د هندي پوځ په عملیاتو کې ووژل شول.

د هند "انډین ایکسپرېس" ورځپاڼه وايي، د ویډيو خپرو سره د پنجاب سر وزیر امریندر سینګ وویل، د کرتاپور د لارې په هکله د پاکستان پټ پلان ته هوښار اوسېدل ضروري دي.

امریندر سینګ وايي، "یوې خوا ته له موږ سره مینه ښيي او له بلې خوا ګړبړ کوي، موږ باید ډېر محتاط اوسو."

* د پاکستان او هند پوځي وړتیا پرتلل

* د هند او پاکستان دفاعي لګښتونه په ډېرېدو دي

پاکستان د کرتاپور لار د نومبر پر لسمه پرانیسته او پر ټوېټر د پاکستان حکومت په دې تړاو د نومبر پر څلورمه یوه سندره خپره کړه چې د پرانیستې مراسمو لپاره یې حکومتي سندره وبلله.

د څلورو دقیقو دغه اوږده سندره کې ۳۷ ثانیې پوسټر هم شته چې پکې د خالصتان مشران جرنېل سنګ هنډرا والا، صاحب سینګ او امریک سینګ خالصه انځورونه دي.

دې پوسټر کې د ۲۰۲۰ کال ټولپوښتنه هم لیکل شوې، ویل کېږي د خالصتان غوښتونکي د رایې پوښتلو خبرې کوي.

د خالصتان ملاتړي مشران

د انځور حقوق Twitter

د بېلتونپالو مشر جنرال بنډراولا د امرتسر په ګولډن ټمپل کې د عملیاتو سره ووژل شو.

هند بنډرا والا توندلاری مشر بولي چې د دمدمي ټکسال مشر و. هغه پر ۱۹۷۸ کال د سیک نرنکاري پېښې سره مشهور شو.

نوموړي ته پنجاب کې د سیکانو د اوڅارولو او توندلارۍ د سمبول په سترګه کتل کېږي. له وژل کېدو مخکې یې د ځان بچولو لپاره پر اکال تخت ولکه وکړه.

تورنجنرال صاحب سینګ

د انځور حقوق @PID_GOV

تورنجنرال صاحب سینګ د هند پوځ کې و، له تقاعد وروسته خالصتاني غورځنګ ته ور ګډ شو.

دی له جنرال سینګ بنډرا والا سره دمدمي ټکسال کې شریک او پوځي سلاکار شو.

صاحب سینګ د پوځ د عملیاتو پر مهال پر ګولډن ټمپل د ولکط ساتلو لپاره سیک وسلوال برابر کړي وو.

نوموړي د خپلې دندې پر مهال له پاکستان د بنګلدېش بېلدلو لپاره بنګلدېشۍ ملېشه مکتي باهني جوړولو کې هم مهم رول درلود.

امریک سنګ

د انځور حقوق Alamy

دې پوسټر کې بېلتونپال مشر امریک سینګ هم لیدل کېږي، هغه یو وخت د ټول هند سیک زدکوونکو فدراسیون مشر و.

هغه د ګیاني کرتار سینګ بنډراوالا زوی و او د کرتار سینګ دمدمي ټکسال ۱۳ مشر و.

امریک سنګ خالصه ساتنپالی و او پر ګرباني او سیک مذهب ادبیاتو ډېر پوهېډه.

د خالصتان په نوم د ځانګړي هېواد غوښتونکي دا درې مشران د بلو سټار اپرېشن په نوم عملیاتو کې د ۱۹۸۴ کال جون پر شپږمه ووژل شول.

د انځور حقوق Twitter

د پاکستان د ویډيو خپرېدو سره د هند خواله رسنیو کې خالصتاني ټرېند شو.

ټوېټر کارن متقاعد کنډک مشر ګورو اریا لیکلي، "ما تل ویلي چې کرتاپور لار د سیک زیارتوالو لپاره نه بلکې پنجاب کې د خالصتاني ترهګرۍ پیلولو لپاره ده."

خو بل کارن یاسر محمود لیکلي: "هند سیکانو ته د روباټ په سترګه ګوري چې پاکستان پکې په اسانۍ خالصتاني مولیر اچولی شي.

د نوموړي په خبره، د هند له دې اندېښنې ښکاري چې پر خپلو سیک وګړو کم باور لري".

اړونده مطالب