بولیویا: پولیس د ولسمشر له مخالفو مظاهره کوونکو سره یو ځای شوي

بولیویا د انځور حقوق Reuters
Image caption پولیس د هغو مظاهره کوونکو تر څنګ لیدل شوي، چې مخکې ورسره لاس او ګرېوان وو

د بولیویا ځینې ښارونو کې پولیس له هغو مظاهره کوونکو سره ملګري شوي چې په ناندریزو ولسمشرۍ ټاکنو کې د اوسني ولسمشر ایو مورالیس د بیا انتخاب پر ضد احتجاج کوي.

ولسمشر مورالیس چې د بولیویا لومړنی ځايي مشر دی، پر اپوزېسیون تور پورې کوي چې له واکه د لېرې کولو لپاره یې هڅې کوي.

خو بل لور ته د دغه هېواد د دفاع وزیر وايي، د پولیسو سرغړونې کابو کولو لپاره د پوځیانو استولو هېڅ پلان نه لري.

احتجاجیانو له ښاروالې د سر وېښته پرې کړل

د سنوډن لټون: د بولیویا د ولسمشرۍ الوتکې مخنیوی

د ښاغلي مورالیس پر ضد له تېرو ۱۷ ورځو راهیسې احتجاجونه روان دي او مظاهره کوونکي پر نوموړي تور پورې کوي چې د څلورم ځل لپاره د ولسمشرۍ مقام ته د رسېدو په خاطر یې په ټاکنو کې لاسوهنه کړې.

خو ښاغلی مورالیس چې په لاتین امریکا کې تر ټولو ډېر وخت په واک کې پاتې شوی، هر ډول ناسمه کړنه ردوي او له استعفا کولو انکاري کوي.

د انځور حقوق Reuters

د جمعې پر ورځ لومړی ځل د مظاهره کوونکو په لیکو کې ګڼ پولیسان هم لیدل شوي دي، خو کره شمېر یې معلوم نه دی. په ځینو ښارونو کې پولیس د هغو مظاهره کوونکو تر څنګ لیدل شوي، چې مخکې ورسره لاس او ګرېوان شوي وو.

په رسمي جامو کې یو شمېر پولیسو له ځايي رسنیو کې له ولسمشر مورالیس وغوښتل چې استعفا وکړي.

دوی وايي، په کیوبا او وینزویلا کې به د ولسمشر متحدینو په څېر نوموړی نه پرېږدي چې بولیویا کې هم دکتاتوري نظام رامنځته کړي. بولیویا کې د تېر اکتوبر د ۲۰ له ولسمشریزو ټاکنو راهیسې د مظاهرو او احتجاجونو لړۍ روانه ده.

اړونده مطالب