د کرسمس ورځ په انځورونو کې

له اسټرالیا نیولې بیا تر امریکا پورې د نړۍ په یو شمېر هېوادونو کې عیسویان نن د زېږدیز کال یوه تر ټولو سپېڅلې ورځ، یعنې کرسمس لمانځي. دلته یې د تصویر په بڼه ځینې مراسم ونیو.

پېښور، پاکستان

د عکس سرچینه، AFP

د پېښور په سنټ جونز کلیسا کې د کرسمس مراسم لمانځل کېږي. عیسویان د پاکستاني نفوس نژدې ۱۶ سلنه وګړي دي او دا وروستیو کې پرې په دغه هېواد کې د ځینې نورو لږکیو په څېر خونړي بریدونه شوي دي.

کولمبو شریلانکا

د عکس سرچینه، EPA

د شري لنکا عیسوي ماشومان له هغو دریو کلیساوو نه په یوه کې د ایسټر سنډې په مذهبي مراسمو کې شامل دي، چې دا وروستیو کې پکې ځانمرګو بریدونو کې ۵۴ کسان وژل شوي وو او نژدې ۳۰۰ نور ټپیان شوي وو.

ابوظبي متحده عربي امارات

د عکس سرچینه، EPA

یوه ښځه په سنټ جوزف کلیسا کې د مراسمو ترڅ کې شمعې بلوي. په متحدو عربي اماراتو کې ګڼ عیسويان مېشت دي، چې پنځه سلنه پکې فلپینیان دي.

هنويي ویتنام

د عکس سرچینه، AFP

د ویتنام پلازمېنه کې یوه ښځه د سنټ جوزف کلیسا بهر سلفي تصویر اخلي.

پاریس، فرانسه

د عکس سرچینه، EPA

پاریس کې ځايي بشپ فلپ ماسټ په یوه ځايي کلیسا کې د مراسمو مشري کوي. د دغه ښار په نوتردام کلیسا کې تېرو ۲۰۰ کلونو کې لومړی ځل د دې مراسمو مېلمستیا ځکه نه وه، چې اپریل میاشت کې دغه کلیسا کې اورلګېدلی و.

ممباسا، کینیا

د عکس سرچینه، Reuters

خرطوم، سودان

د عکس سرچینه، EPA

د سودان پلازمېنې خرطوم کې د کرسمس ځانګړي مراسم په ځايي سنټ ماتهیو کلیسا کې تر سره شول.

بیت لحم، فلسطین

د عکس سرچینه، EPA

د فلسطین په لویدیځه غاړه کې د کرسمس مراسم په هغه ځای کې ولمانځل شول، چې د انجیل له مخې عیسی علیه السلام پکې زېږېدلی دی.

ویټیکن سټي

د عکس سرچینه، AFP

د کرسمس په مناسبت خپله اوومه کلنیزه وینا کې پوپ فرانسس وايي، ''خدای زموږ له خورا بدو کسانو سره هم مینه کوي. '' د نوموړي وینا د عیسوي کلیسا یو شمېر رسواییو ته د اشارې په توګه شمېرل کېږي.

حلب، سوریه

د عکس سرچینه، AFP

د جګړه ځپلې سوریې په یوه کلیسا کې د کرسمس مراسم ولمانځل شول. د سوریې عیسویان د نړۍ نورو پرتله خورا پخواني بلل کېږي.

بغداد، عراق

د عکس سرچینه، EPA

د عراق عیسویان په دغه هېواد کې د حکومت ضد مظاهرو سره هممهاله د کرسمس مراسم لمانځي، چې تېر اکتوبر کې پیل شوې دي. ویل کېږي په ۲۰۰۳ کال کې دغه هېواد کې د عیسویانو شمېر نژدې یو نیم میلیون و، چې اوس دوه نیم سوه زره هلته پاتې دي.

سډني، اسټرالیا

د عکس سرچینه، EPA

اسټرالیا کې کرسمس داسې حال کې لمانځل کېږي چې پر لومړي وزیر سکاټ مورېسن په هېواد کې د پراخې اور لګېدنې پر مهال هوايي کې د رخصتیو تېرولو له کبله نیوکې کېږي.

د ټولو تصویرونو د کارولو حق خوندي دی.