افريقا کې وچکالي: ۱۳ ميليونه کسان د لوږې له ګواښ سره مخ دي

افريقا کې وچکالي: ۱۳ ميليونه کسان د لوږې له ګواښ سره مخ دي

په ختیځه افریقا کې دا پرله پسې درېیم کال دی چې باران نه دی شوی او همدې په لسیزو کې ترټولو بده وچکالي رامنځته کړې ده. فصلونه زیانمن شوي او په سلګونو زره څاروي هم مړه شوي دي.

د اقلیم بدلون، د ملخانو وروستی برید او په هوا کې پیاوړو بدلونونو ۱۳ میلیون کسان د قحطۍ کندې ته ټېل وهلې دي او اوس بېړنیو مرستو ته اړ دي. په تېرو څو میاشتو کې د اړمنو شمېر یو میلیون نور هم اضافه شوی دی.

د بي بي سي خبریال کاکیدان یلبېتال له ایتوپیا دغه رپوټ رالېږلی دی، همدغلته په شمال کې د ۱۵ میاشتنۍ کورنۍ جګړې له امله وضعیت نور هم خراب شوی دی.