د نړۍ تر ټولو د ټیټې ونی سړی په نیپال کې دی

ښاغلی مګار

په کتماندو کې د بي بي سي خبریال جاونا جولي وايي مګار وايي: "کله چې زه ۱۸ کلن شوم، غواړم چې واده وکړم، غواړم د دوو کلونو په اوږدو کې واده وکړم. غواړم چې یو لوی سور رنګه موټر ولرم او پخپله یې وچلوم. "

يوه ۱۸ کلن نيپالي ته د نړۍ د تر ټولو کوچني يا ټيټ قد لرونکي سړي نوم ورکړل شو.

دغه کس څه باندې 67 سانتي ېتره قد لري چې د يوه کلن ماشوم له قد قامت سره برابر دى.

د (خاگيندرا تاپا مگار) نوم د گينس په کتاب کې د هغه د زوکړې د ۱۸ کليزې په وياړ جوړو شوو مراسمو کې وليکل شو، چې ده په کې د خپل قد دوه برابر جوړ شوى کيک پرې کړ.

دغه کس چې شپږ نيم کيلو گرامه وزن لري وايي، د واده او دا چې د خپلې مېرمنې په لاسي بيک کې د نړۍ د ليدوهيله لري.

هغه ته دغه راز د نيپال د توريزم یا گرځندوی د سفير لقب هم ورکړل شوى.

تر ده وړاندې د قد له اړخه نړۍ تر ټولو کوچنى کس د کولمبيا کلېکاږل (ادوارد هرنانديز) و، چې دى ترې درې سانتي متره کوچنى دى.

د خاگيندرا تاپا مگار هغه اتلسمه کلیزه او په ګینیز کتاب کې د نوم لیکنې مراسمو ته یو شمېر نړیوالې او سیمه ییزې مهمې څېرې ورغلې وې.

۲۴ کلن هرناندیز ۷۰ سانتي متره اوږدوالی او ۱۰ کیلوګرامه وزن درلود.

په کتماندو کې د بي بي سي خبریال جاونا جولي وايي مګار وايي: "کله چې زه ۱۸ کلن شوم، غواړم چې واده وکړم، غواړم د دوو کلونو په اوږدو کې واده وکړم. غواړم چې یو لوی سور رنګه موټر ولرم او پخپله یې وچلوم. "

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .