له ميرمنې سره جنگ پلار د ماشوم پلورلو ته وهڅاوۀ

چين بيرغ
Image caption يوۀ چينايي افسر ويل په دې موضوع رپوټ مه ورکوئ چين به بدنامه کړي

د چين پوليس په هغه سړي پسې دي چې له ميرمن سره د ژبې تر اړولو وروسته يې خپل زوى يې خرڅ کړ.

دۀ سړي خپل يو کلن زوى په پنځه زره ډالره خرځ کړ .

زوى او پيسې موندل شوي خو سړى ترى تم شوى دى .

د ښځې خاوند د جنگ دليل دا و چې يو بل يې سست او لټ بلل .

سړى غصه شو خو صبر يې وکړ چې ميرمن يې ښار ته د کار په نيت لاړه شي .

کله چې هغه کار ته لاړه دۀ خپل زوى په يوې بلې کورنۍ وپلورۀ او پنځه زره ډالره يې واخيستل .

د ماشوم مور په دې پېښه څو مياشتې وروسته هغه وخت خبره شوه چې بيرته په رخصتي کلي ته ستنه شوه .

مور خپل زوى وموند خو هغې کورنۍ چې پر ماشوم پنځه زره ډالر ورکړي و چمتو نه وه چې بيرته يې وسپاري .

تړون

د دوى منطق دا و چې د ماشوم له پلار سره دوى تړون لاسليک کړى دى .

کله چې پوليس په پېښه کې ښکيل شول پېريدونکې کورنۍ چمتو شوه چې ماشوم بيرته وسپاري او خپلې پيسې واخلي .

د هينان په ولايت کې لا هم پوليس د ماشوم په پلار پسې دي .

په دې پېښه کې ښکيلې کورنۍ له خبرو ډډه کوي او پوليسو هم گونگه روژۀ نيولې ده .

يوۀ پوليس افسر غوښتل چې څوک پر دې موضوع رپوټ ورنه کړي ويل يې چې داسې خبرونه به د چين په باب خلکو ته منفي تصوير ورکړي .