له کوټې بهرنى مرستندوى وتښول شو

د انځور حقوق BBC World Service
Image caption تښتول شوى کس له سرۀ صليب سره په کار بوخت و

د کوټې د چمن ہاوسنگ اسکیم سيمې څخه د پنجشنبه په ورځ ناڅرگندہ وسلہ والو کسانو د يوې نړيوالې مرستندويې ټولنې ، سرۀ صليب، يو بهرنى کارکوونکى وتښتاوۀ.

تښتول شوى ډاکټر خليل ډيل نومول شوى دى.

ويل کيږي چې دغه پېښه هغه وخت وشوه چې دى په موټر کې د دفتر په لور رهي کيدل.

تښتونکو د دوى موټر او چلونکى پرايښي دي.

پوليس د پېښې سيمې ته رسيدلي او هلته يې خپلې لومړنۍ پوښتنې گرويږنې د سرۀ صليب له کارکوونکو او نورو څخه پيل کړي دي.

پوليس وايي دوى له کوټې دباندې تلونکې ټولې لارې هم څارلي او د دوى په وينا پر شکمنو کسانو څار کوي.

يمني الاصله برتانوى

تر اوسه څوک نيول شوي نه دي او نه هم چا د دغې پېښې پړه په غاړه اخيستې ده.

د کوټې د پوليسو مشر حسن محبوب بي بي سي ته وويل تښتول شوى بهرنى يمني الاصله برتانوى دى.

د ښاغلي محبوب په وينا څلور وسله وال کسان په دې تښتونه کې ښکېل وو.

ډآکټر خليل ډيل له تيرو شپږو مياشتو په بلوچستان کې په روغتيايي چارو کې د ځايي خلکو مرسته کوله.

په ٢٠٠٩ کال کې هم يو بهرنى مرستندوى له کوټې تښتول شوى و چې وروسته بيا خوشي شو.

د هغه بهرني د تښتولو پړه بلتون غوښتونکو بلوڅانو په غاړه اخيستې وه خو دا ځل لا تر اوسه چا د پېښې مسووليت نه دى منلى.

ورته مطالب