د اشارې ژبه ډېره ژر په متن بدلېدونکې ده

د انځور حقوق
Image caption د برتانیا شاوخوا اویا زره وګړي په اشاروي ژبه خبرې کوي.

په سکاټلنډ کې څېړونکو د اشارې ژبې پرځای د یوه داسې نوي پروګرام په جوړولو غور کوي، چې د کمپیوټر په پرده به د لوستلو وړ وي.

پوهانو ویلي، دغه ټيکنالوژي پخپل ډول کې لومړۍ ګڼل کېږي، چې په لړ کې به یې د یوه کال په ترڅ کې د کاري بازار په برخه کې که کڼو خلکو سره مرسته وکړي.

په دې ټينکالوژۍ کې د کاروونکي د لاسونو د اشارو ثبتوونکې عادي کامرې لګول کېږي، چې له کمپیوټر سره نښلول کېږي، او بیا دا اشاروي خبرې متن ته ژباړل کېږي.

په دې سره روغ کسان د ژباړل شوي متن په مټ د هغو کسانو په ژبه پوهېدلی شي چې په اشارو خبرې کوي.

پوهان تمه لري چې دا پروګرام لانور پسې پراخه او عصري کړي، چې د اشارې د ژبې د ژباړونکي پروګرام نوم ورکړل شوی دی.

دغه ټیکنالوژي په عادي کمپیوټرونو او ګرځنده پرمختللو ټيلې فونونو کې هم کارېدلی شي.

د لومړي ځل لپاره دغه ټيکنالوژي د ابردين پوهنتون د پوهانو له خوا د جوړه شوې ده.

او په لومړي ځل په برتانیا کې د شاوخوا اویا زره په اشاروي ژبه د ګړېدونکو کسانو ژبه پکې ځای پرځای شوې، چې په دغه هېواد کې اوسېږي.

د ټيکنا بلینګ شرکت بنسټګر او د کمپیوټر په برخه کې ډاکټر امیستو کومباتانجیلو وايي، ددې ټیکنالوژۍ هدف دا دی چې د اشاروي ژبې ګړېدونکي له عصري ټيکنالوژۍ په ګټې اخیستو سره له یو بل سره اړيکي ونیولی شي.

یو بل څېړونکی ډاکټر جیمز کریسټي – چې پخپله هم څه ناڅه کوڼ دی له اشاروي ژبې ګټه اخلي – وايي چې د اشارې ژبې مصنوعي ژباړن د هغو کسانو ترمنځ د اړیکو په برخه کې ستونزې هوارولی شي چې کاڼه دې نړۍ ته راغلي او یا دا چې د خپل عمر په لومړیو کې یې د اورېدو حاسه له لاسه ورکړې ده.

نوموړی وايي چې له دې ټيکنالوژۍ کاڼه خلک په ډله ییز کار او خصوصي زده کړو کې ډېره ګټه اخیستی شي.

ورته مطالب