اول چرگه وزيږيده بيا هگۍ راغله، نه يې منئ؟ ويې لولئ

د خپريدو وخت: 12:29 گرینویچ - 22 اپریل 2012 - 03 غویی 1391

بچوڼى په سټه روغ رمټ دى خو چرگې په کې ژوند له لاسه ورکړ.

په سرېلنکا کې يوې چرگې بې له دې چې هګۍ واچوي وار د واره بچوڼى وزيږاوۀ او دا پوښتنه يې بيا توده کړه چې هګۍ مخته پيدا شوې وه که چرگه؟

په سرېلنکا کې يوې چرگې د هګۍ پر ځاى بچوڼى وزيږاوۀ.

پر ځاى د دې چې هګۍ ولويږي او وروسته په کې بچوڼى جوړ او راووځي د سرېلنکايي چرگې بچوڼي دا هر څه دننه وکړل.

دا هګۍ ٢١ ورځې د چرگې دننه وه او په نس کې يې په بچوڼي يا چيچوڼي بدله شوه.

بچوڼى په سټه روغ رمټ دى خو چرگې په کې ژوند له لاسه ورکړ.

د سرېلنکا د حيواناتو هغۀ ډاکټر چې دا ټول بهير يې څارلى و وايي دۀ په ژوند کې داسې څه پخوا نه و ليدلي.

ډاکټر پي اى يپا چې د وليميدا په سيمه کې کار کوي دغه چره معاينه کړه.

چرګه مخکې پيدا شوې که هګۍ؟

چرګه مخکې پيدا شوې که هګۍ؟ - دا يوه ډېره پخوانۍ پوښتنه ده ، او تر اوسه ورته هېڅ کوم سم ځواب نه دی موندل شوی، خو يوه داسې ځای ته به مو بوځو چې هلته کوچنۍ چرګوړي روزل کېږي.

تاسو د فلش پروگرام سمه بڼه نه لرئ

په يو بل غږونکي کې يې وغږوئ

ډاکټر يپا وموندل چې ښېرازه شوې هګۍ د چرگې په نس کې په بچوڼي بدله شوه او هغلته بچوڼۍ له هګۍ ووت.

د مړې شوې چرگې معايناتو وښوول چې په بدن کې دننه له ټپونو مړه شوې ده.

په سرېلنکا کې د بي بي سي خبريال چارليس هيولاند وايي په هغه هيواد کې دا خبر د خبرونو په سر ټکو کې ځاى شوى دى.

د سرېلنکا يوې ورځپاڼې د دې خبر لپاره عنوان داسې ورکړى و:

هګۍ نۀ چرگه لومړى وزيږيده

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .